Հայաստանի Ազգային ժողովն այսօր հատուկ նիստ է հրավիրել, որի օրակարգում վարչապետի ընտրության հարցն է:
Նշենք, որ առաջադրված է միայն մեկ թեկնածու: «Իմ քայլը» խմբակցությունը վարչապետւի թեկնածու է առաջադրել Նիկոլ Փաշինյանին:
Հիշեցնենք, որ Նիկոլ Փաշինյանը հրաժարական է տվել ապրիլի 25-ին, որի նպատակն այն է, որ երկու անգամ ԱԺ-ն վարչապետ չընտրի, որից հետո խորհրդարանը կլուծարվի եւ հունիսի 20-ին տեղի կունենան արտահերթ ընտրություններ:
Ըստ սցենարի, այսօր ԱԺ-ն չպետք է ընտրի Նիկոլ Փաշինյանին վարչապետի պաշտոնում, մեկ շաբաթ անց՝ մայիսի 10-ին եւս խորհրդարանը չպետք է ընտրի վարչապետ:
