ԱՄՆ եւ Իրանի միջեւբանտարկյալների փոխանակման մասին համաձայնագրի վերաբերյալ լրատվամիջոցների հաղորդումները չեն համապատասխանում իրականությանը, ասել է Իրանի ԱԳՆ ներկայացուցիչ Սաիդ Խաթիբզադեն, փոխանցում է «ՌԻԱ Նովոստի»-ն:
«ԱՄՆ-ի հետ բանտարկյալների փոխանակման մասին հաղորդումները չեն համապատասխանում իրականությանը... Բանտարկյալների խնդիրը եղել եւ մնում է մարդասիրական խնդիր, եւ այն միշտ եղել է Իրանի օրակարգում, եւ նրանց խնդիրներին հետեւելը տեղի է ունեցել միջուկային գործարքի շուրջ բանակցություններից զատ»,- մամուլի ասուլիսի ժամանակ հայտարարել է Իրանի ԱԳՆ ներկայացուցիչը:
Ավելի վաղ լիբանանյան «Ալ-Մայադին» հեռուստաալիքը, վկայակոչելով իրանական աղբյուրներ, հաղորդել էր, որ ԱՄՆ-ն եւ Իրանը, իբր, մտադիր են փոխանակվել ձերբակալված քաղաքացիներով: Հեռուստաալիքը նաեւ նշել է, որ կողմերի միջեւ ձեռք բերված գործարքի շրջանակներում ԱՄՆ-ն մտադիր է 7 միլիարդ դոլար «վճարել» իրանական սառեցված ակտիվներից: ԱՄՆ պետքարտուղարությունը հերքել է նաեւ ԶԼՄ-ների հաղորդումներն այն մասին, թե Իրանի հետ ձերբակալվածների փոխանակման մասին պայմանավորվածություն է ձեռք բերվել: