ԲՀԿ-ն չի մասնակցելու այսօր՝ մայիսի 3-ին Ազգային ժողովի հատուկ նիստին, որի օրակարգում վարչապետի ընտրության հարցն է: Այս մասին NEWS.am-ին հայտնեց ԲՀԿ խմբակցության պատգամավոր Նաիրա Զոհրաբյանը:
Հիշեցնենք, որ խորհրդարանական երկու ընդդիմադիր կուսակցությունները պայմանավորվածություն են ձեռք բերել իշխանությունների եւ մասնավորապես Նիկոլ Փաշինյանի հետ, որ իրենք վարչապետի թեկնածու չեն առաջադրելու:
Ըստ սցենարի, երկու անգամ առաջադրվելու է Նիկոլ Փաշինյանը, սակայն չի ընտրվելու, որից հետո խորհրդարանը լուծարվելու է եւ հունիսի 20-ին տեղի են ունենալու արտահերթ ընտրություններ: