3D տպիչով տպագրված տունն ընդունել է իր առաջին բնակիչներին: Ինչպես հայտնում է The Guardian-ը, Նիդեռլանդներում ամուսնական զույգը տեղափոխվել է Եվրոպայի առաջին տուն, որն ամբողջությամբ կառուցվել է 3D տպման տեխնոլոգիայի միջոցով:
Էլիզա Լութսը եւ Հարի Դեքերսը ստացել են իրենց թվային բանալին` ծրագիր, որը թույլ է տալիս նրանց բացել մուտքի դուռը: Բնակարանի մակերեսը 94 ք/մ է, այն երկու ննջասենյակ ունի: Տունը քարի ձեւ ունի եւ բաղկացած է 24 բետոնե տարրերից: Շենքը ստեղծելու համար 120 ժամ է պահանջվել:
Տունը այս տեսակի առաջին օրինական բնակելի շենքն է: Սկզբում նախատեսվում էր, որ առաջին տները կհայտնվեին դեռեւս 2019 թվականին, բայց ճարտարապետական նախագծի բարդության պատճառով ժամկետները հետաձգվել էին: Նախագիծն իրականացվել է Էյնդհովենի տեխնիկական համալսարանի եւ բնակարանային Vesteda կորպորացիայի հետ համատեղ: