Այսպես կոչված «վերանորոգման աշխատանքները» Շուշիի Ղազանչեցոց եկեղեցում բարբարոսության դրսեւորում են: Այս մասին մայիսի 4-ին Հայաստանի Ազգային ժողովի նիստին հայտարարեց «Իմ քայլը» իշխող դաշինքի խորհրդարանական խմբակցության ղեկավար Լիլիթ Մակունցը:
Ըստ նրա՝ այն, ինչ կազմակերպվել էր Ադրբեջանի քաղաքական ղեկավարության կողմից, կարելի է միայն որպես ռասիստական պետության քաղաքականություն բնութագրել, որը ցույց է տալիս էթնիկ ատելությունը հայերի նկատմամբ: «Ադրբեջանի ղեկավարության քաղաքականությունը չի կարող այլ կերպ, քան բարբարոսություն որակվել: Դա մի պետության քաղաքականություն է, որը տպավորություն է ստեղծում, որ չունի մշակութային պատմություն: Հենց այսպիսի մոտեցմամբ են նրանք վերաբերվում հայկական մշակույթին՝ փորձելով ոչնչացնել բոլոր հետքերը»,- ասաց Մակունցը:
Նա շեշտեց, որ այս հարցը պետք է լինի բոլոր միջազգային կառույցների եւ ԵԱՀԿ Մինսկի խմբի համանախագահների ուշադրության կենտրոնում: «Էթնիկ ատելությունը հայերի նկատմամբ չի կարող աննկատ մնալ»,- համոզված է նա:
Հիշեցնենք, որ ադրբեջանցիներն իրենց կողմից գրավված Շուշիում ապամոնտաժել են Ղազանչեցոց տաճարի գմբեթները: