Մայիսի 5-ին Հայաստանի Ազգային ժողովը երկրորդ եւ վերջին ընթերցմամբ ընդունեց Կառավարության առաջարկած օրինագիծը, որը սահմանափակումներ է նախատեսում հայկական տեղեկատվական պորտալներում շահումներով խաղերի գովազդի համար:
Մասնավորապես, «Գովազդի մասին» օրենքում փոփոխություններ կատարելու մասին օրենքով ժամանակավոր սահմանափակումներ են մտցվում շահումներով խաղերի գովազդի վրա, որոնք հաճախ կարելի է տեսնել բազմաթիվ լրատվական կայքերի էջերին: Այդպես, գովազդը չպետք է գերազանցի կայքի էջի ծավալի 20 տոկոսից ավելին: Բացի այդ, գովազդը կարող է իրականացվել միայն տեղական ժամանակով 22:00-ից 07:00-ն:
Համաշխարհային ցանցի միջոցով հասարակությանը տեղեկատվություն տրամադրող բազմաթիվ լրատվական կայքերի եւ գործակալությունների ներկայացուցիչներ իրենց մտահոգությունն են հայտնել այս կապակցությամբ: Բանն այն է, որ միջոցների մի զգալի մասը գնում է տվյալ ԶԼՄ-ների բյուջե՝ գովազդի համար համապատասխան հարթակ տրամադրելու շնորհիվ: Փորձագիտական համայնքում կարծում են, որ իշխանություններն այսպիսով ցանկանում են սահմանափակել ընդդիմադիր լրատվամիջոցների քանակը՝ կրճատելով դրանց ֆինանսական հոսքերը: