ԱՄՆ-ում առաջարկել են խանութներում եւ սպորտային միջոցառումների տոմսեր գնելիս զեղչեր տրամադրել կորոնավիրուսի դեմ պատվաստվածներին: Նման առաջարկով հանդես է եկել ԱՄՆ նախագահ Ջո Բայդենը, հաղորդում է ՏԱՍՍ-ը:
«Այժմ մենք ցանկանում ենք պատվաստում առաջարկել նրանց, ովքեր ամենից քիչ են դա ուզում: Մենք գիտենք, որ միլիոնավոր ամերիկացիների պետք է ոչ մեծ խթան պատվաստվելու համար»,-ասել է Սպիտակ տան ղեկավարը:
Նա նշել է, որ գործատուներին կոչ է արել պատվաստումների համար վճարովի ժամանակ տրամադրել աշխատողներին:
Բայդենը շնորհակալություն է հայտնել գործարարներին, որոնք պատրաստ են նոր գործընկերության եւ զեղչեր տրամադրելուն նրանց, ովքեր պատվաստվել են:
Բայդենը նշել է, որ արդեն ավելի քան 105 մլն ամերիկացի ստացել է պատվաստանյութեի երկու դեղաչափերը: Վարակման դեպքերի թիվը նվազել է 40 նահանգներում, եւ 80 տոկոսով կրճատվել է մահացության մակարդակը մեծահասակների խմբում: