ՌԴ ԱԳՆ ղեկավար Սերգեյ Լավրովը Հայաստան այցի ընթացքում կհանդիպի ՀՀ վարչապետի պաշտոնակատար Նիկոլ Փաշինյանի հետ: Այս մասին ասվում է ՌԴ ԱԳՆ-ի տարածած հաղորդագրության մեջ:
Նշվում է, որ Լավրովը Հայաստանում կլինի մայիսի 5-6-ին:
Նա նաեւ բանակցություններ կվարի արտաքին գործերի պաշտոնակատար Արա Այվազյանի հետ:
ՌԴ ԱԳՆ-ում նշել են, որ ՌԴ ԱԳՆ ղեկավարի ներկայիս այցը Հայաստան հայ-ռուսական քաղաքական երկխոսության շարունակությունն է՝ ուղղված բազմակողմ երկկողմ համագործակցության ամրապնդմանը, տարածաշրջանում խաղաղության եւ կայունության աջակցմանը:
ՌԴ ԱԳՆ-ում նշել են նաեւ միջխորհրդարանական կապերի զարգացման մասին եւ տեղեկացրել ՀՀ ԱԺ խոսնակ Արարատ Միրզոյանի՝ Մոսկվա ակնկալվելիք այցի մասին: ՌԴ ԱԳՆ հաղորդագրության մեջ ասվում է, որ այցը կկայանա մայիսի 16-18-ը:
