ՀՀ Զինված ուժերը մասշտաբային բազմակողմ արդիականացում կանցնեն: Այս մասին ԱԺ նիստում հայտարարել ՀՀ պաշտպանության նախարարի պաշտոնակատար Վաղարշակ Հարությունյանը:
Նա նշեց, որ բանակը պետք է ադապտացվի նոր ռազմաքաղաքական իրավիճակին ինչպես Հայաստանում, այնպես էլ տարածաշրջանում:
«Այստեղ, իհարկե, կարեւոր է կրթության ոլորտը: Այժմ խնդիր է դրված թարմացնել կադրային բազան եւ դասախոսական կազմը ռազմական բուհերում: Շատ դասախոսներ մարտական փորձ չունեն, մենք նրանց կուղարկենք զորքեր, իսկ նրանց, ովքեր մարտական փորձ ունեն, կուղարկենք բուհեր դասավանդելու»,-նշեց Հարությունյանը:
Բացի այդ, զինված ուժերը կիրականացնի ժամանակակից զենքի եւ տեխնիկայի գնման ծրագիրը:
Նա նաեւ հայտնեց, որ կա պայմանավորվածություն ռուսական կողմի հետ հայ սպաներին ռուսական բուհերում վերապարտաստելու մասին: Նրա խոսքով՝ Ռուսաստանը պատրաստ է ընդունել այնքան սպայի, որքան հայկական կողմը ցանկանա: