Ընտրական օրենսգրքի նոր նախագիծը զգալիորեն կկրճատի Հայաստանի խորհրդարանում պատգամավորների թվի ավելացման հնարավորությունը: Այս մասին մայիսի 6-ին Ազգային ժողովում նոր Ընտրական օրենսգրքի նախագծի քննարկման ժամանակ հայտարարեց իշխող «Իմ քայլը» դաշինքի պատգամավոր Համազասպ Դանիելյանը:
Նրա խոսքով՝ Սահմանադրությունը նախատեսում է նվազագույն թվով պատգամավորներ՝ 101 պատգամավոր + 4 պատգամավոր ազգային փոքրամասնություններից:
«Հավանականությունը, որ խաղի նոր կանոններով պատգամավորների համար լրացուցիչ տեղեր կավելանան, զգալիորեն նվազել է: Այնուամենայնիվ, փոքրամասնությունների համար երաշխավորված տեղերը դրանից չեն տուժի: Խորհրդարանն էլ ավելի ներառական կդառնա»,- ասաց Դանիելյանը:
