News
Լրահոս
News
Հինգշաբթի
Հոկտեմբեր 28
Տեսնել լրահոսը

ՀՀ ԶՈՒ ԳՇ վարչական ապարատի տեղեկատվական բաժնի պետ Սամվել Ասատրյանը հայտարարություն է արել՝ ի պաշտպանություն ԳՇ պետ Արտակ Դավթյանի՝ անցնելով կոռեկտության սահմանները: Այս մասին Facebook-ի իր էջում գրել է ԱԺ «Լուսավոր Հայաստան» խմբակցության քարտուղար Գեւորգ Գորգիսյանը:

Նա, մասնավորապես, նշել է. «Նշեմ, որ «Լուսավոր Հայաստան» կուսակցության ներկայացուցիչները մշտապես հատուկ հարգանքով և զգուշավորությամբ են արտահայտվում ՀՀ ԶՈՒ մասին, սակայն սույն անձնավորված հայտարարությունը ստիպում է ինձ տալ համապատասխան պատասխան:

Որպես ՀՀ ԱԺ Պաշտպանության և անվտանգության հարցերի մշտական հանձնաժողովի և Ապրիլյան քառօրյա պատերազմի հանգամանքներն ուսումնասիրող քննիչ հանձնաժողովի անդամ` պնդում եմ, որ քննիչ հանձնաժողովի աշխատանքների ընթացքում բացահայտվել են բավարար փաստեր՝ Արտակ Դավթյանի դեմ քրեական գործ հարուցելու՝ ՀՀ քրեական օրենսգրքի 376-րդ հոդվածի (անփույթ վերաբերմունքը ծառայության նկատմամբ), իսկ որոշակի հանգամանքների բացահայտման դեպքում՝ 299-րդ հոդվածի (պետական դավաճանություն) հատկանիշներով։

Նշածս փաստերին քաջատեղյակ են նաև հանձնաժողովում աշխատած իշխանական պատգամավորները, իսկ հանձնաժողովի նախագահ Անդրանիկ Քոչարյանը նույնիսկ արտահայտվել է։ Բառացի մեջբերեմ. «Արտակ Դավթյանը շատ վատ դերակատարում է ունեցել 2016 թվականի ռազմական գործողությունների ժամանակ՝ որպես օպերատիվ վարչության պետ»:

Եթե այս ամենին գումարենք նաև պարոն Դավթյանի՝ ԳՇ պետ եղած ժամանակահատվածում զորամիավորման կրճատումը Սյունիքում, Սու-30 ՍՄ կործանիչ ինքնաթիռների անարդյունավետ գնումը, ռադիոհետախուզական միջոցների՝ որպես մետաղի ջարդոն սպառազինությունից հանումը, ինչպես նաև նրա նախկին գործունեության մի շարք հայտնի ու անհայտ խնդրահարույց դրվագներ, ակնհայտ հարցեր են առաջանում Արտակ Դավթյանի պաշտոնավարման և Հայաստանի Հանրապետության շահերի հետ նրա գործունեության համատեղելիության վերաբերյալ:

Կարծում եմ` «Լուսավոր Հայաստան» խմբակցության բոլոր անդամների պնդումները Արտակ Դավթյանի և նրա գործունեության վերաբերյալ փաստարկված են և նույնիսկ բավական մեղմ:

Լիահույս եմ, որ Դավթյանի գործունեության մանրամասները կուսումնասիրվեն իշխանափոխությունից հետո՝ համապատասխան քրեական գործերի շրջանակում:

Հ.Գ. Երկրում անիշխանությունն ու քաոսն այնքան են խորացել, որ ենթակա մարմինները սկսել են հոխորտալ վերադասի նկատմամբ»:

Ավելի վաղ NEWS.am-ը հայտնել էր, որ երեկ ԼՀԿ խմբակցության ղեկավար Էդմոն Մարուքյանը հայտարարել էր, որ Ապրիլյան պատերազմի հանգամանքներն ուսումնասիրոք քննիչ հանձնաժողովի զեկույցից պարզ է դառնում, որ մեղավորներից մեկը Արտակ Դավթյանն է, ով այսօր ԳՇ պետ է:

ՀՀ ԶՈՒ ԳՇ վարչական ապարատի տեղեկատվական բաժնի պետ Սամվել Ասատրյանը հայտարարություն է արել՝ ի պաշտպանություն ԳՇ պետ Արտակ...

Опубликовано Gevorg Gorgisyan Пятница, 7 мая 2021 г.
Տպել
Կարդացեք նաև
Ամբողջը
Ապրիլյան պատերազմի քննիչ հանձնաժողովը հետապնդում էր մեկ նպատակ՝ կասկածի տակ դնել ապրիլյան հաղթանակը. Աշոտյան
Կոտրել հաղթողի հոգեբանությունը և 2016թ-ի հաղթանակը դարձնել քաղաքական շահարկումների առարկա...
Ըստ զեկույցի Արտակ Դավթյանը ապրիլյանի մեղավորներից է, բայց նա հիմա ԳՇ պետն է. Էդմոն Մարուքյան
Ապրիլյան պատերազմի խորքային պատճառները գոնե այն մարդկանց շրջանակներում, որոնք ունեն գաղտնիության մատչելիություն, ի սկզբանե պարզ էր…
Հակասող տեղեկություններ լսեցի. Սոֆյա Հովսեփյանը ՝ ապրիլյանի զեկույցի մասին
Ես կարծում եմ, որ զեկույցի քննարկումը հրապարակային կարող էր լինել, եթե 44-օրյա պատերազմը չլիներ...
Հայտնի է, թե Ապրիլյան պատերազմի ժամանակ հայկական կողմը երբ է իմացել հարձակման մասին. Անդրանիկ Քոչարյան
Կամաց-կամաց, թույլատրելի սահմաններում, ինձնից, հանձնաժողովի անդամներից, պատգամավորներից, որոնք լսեցին եւ ունեն իրավասություն ծանոթանալու…
ԱԺ-ն փակ նիստում քննարկում է Ապրիլյան պատերազմի հանգամանքներն ուսումնասիրող քննիչ հանձնաժողովի զեկույցը
Այսօր առավոտյան նախ քվեարկության դրվեցին եւ ընդունվեցին նախօրեին քննարկված հարցերը, որից հետո...
ՀՀ ԱԺ-ն 2016-ի ապրիլյան պատերազմի մասին զեկույցը քննարկի փակ դռների հետեւում
«Ինչպե՞ս կարելի է հանրային կարեւորության հարցը դռնփակ քննարկել...
Ամենաշատ