Իսպանիայի ազգային գրադարանից անհետացել է Գալիլեո Գալիլեյի հինգ գիրք, այլ ոչ թե՝ մեկ, ինչպես ավելի վաղ հաղորդվել էր, «ՌԻԱ Նովոստի»-ի հետ զրույցում հաստատել են մշակույթի նախարարությունում:

Մարտի կեսերին հայտնի դարձավ երկրի գլխավոր գրադարանից Sidereus Nuncius տրակտատի անհետացման մասին (հրատարակվել է 1610 թվականին): Ընդ որում, այդ մասին գրադարանն ինքն իմացել էր դեռ 2014 թվականին՝ հայտնաբերելով բնօրինակի փոխարինումը կրկնօրինակով, սակայն ոստիկանությանը հայտնել էր միայն 2018-ին, իսկ հանրությանն այդ մասին հայտնի էր դարձել վերջերս:

Ստուգումը պարզել է, որ բազա ներառված գրեթե 15 հազար գիրք եւ փաստաթուղթ հնարավոր չէ գտնել գրադարանում: Դրանցից 54-ն առանձնահատուկ արժեք ունեն. դրանց արժեքը գերազանցում է 5 հազար եվրոն: Դրանց մեծ մասն անհետացել է 1980-ականներին եւ 1990-ականներին, հիմնականում՝ 1987 թվականի գողության ժամանակ, ասվում է Ազգային գրադարանի ապրիլյան զեկույցում:
Այդ գրքերի թվում Գալիլեոյի ոչ թե մեկ, այլ հինգ գիրք կա, ինչպես պարզել է հատուկ ստեղծված հանձնաժողովը:

Բոլոր կորած արժեքավոր գրքերի ցուցակը փոխանցվել է Ազգային ոստիկանությանը: