News
Լրահոս
News
Երեքշաբթի
Հունիս 15
Տեսնել լրահոսը

Մայիսի 7-ին Արցախի Հանրապետության ԱԳ նախարար Դավիթ Բաբայանը նամակներ է հղել ԵԱՀԿ Մինսկի խմբի համանախագահներին և ԵԱՀԿ Գործող նախագահի անձնական ներկայացուցիչ Անջեյ Կասպշիկին Արցախի ջրային անվտանգության վերաբերյալ։

Արցախի ԱԳՆ-ից NEWS.am-ին հայտնում են, որ նամակներում, մասնավորապես, նշվում է, որ 2020 թ. սեպտեմբերի 27-ին Ադրբեջանի սանձազերծած ագրեսիան լուրջ սպառնալիքներ է ստեղծել Արցախի Հանրապետության ջրային անվտանգության համար։ 2020 թ. նոյեմբերի 9-ին ռազմական գործողությունների դադարեցման մասին եռակողմ հայտարարության ստորագրումից հետո Ադրբեջանի վերահսկողության տակ է անցել Քարվաճառի (Քելբաջարի) շրջանը, որն Արցախի ջրային ռեսուրսների հիմնական աղբյուրն է։ Այժմ Արցախի Հանրապետությունում օգտագործվող ջրի մոտ 98%-ը սկիզբ է առնում Քարվաճառում։ Այնտեղ են գտնվում նաև Սևանա լիճը սնուցող Արփա և Որոտան գետերի ակունքները։ Սևանում է կենտրոնացած Հայաստանի ջրային ռեսուրսների 80%-ը. առանց այդ գետերի Սևանին բնապահպանական աղետ է սպառնում։

Այսպիսով, այսօր ավելի քան երբևէ Արցախի Հանրապետության պատմության ընթացքում, չափազանց կարևոր է ապահովել արցախցիների ջրօգտագործման իրավունքը և Հանրապետության ջրային անվտանգությունը։ Ադրբեջանի կողմից Արցախի նկատմամբ էթնիկ զտման մշտական սպառնալիքին, ինչպես նաև Ադրբեջանի իշխանությունների կողմից խրախուսվող և համակարգվող հայատյացության երկարամյա պետական քաղաքականությանն ու էթնիկ հայերի դեմ ատելության քարոզչությանը հակազդելու համար անհրաժեշտ են անվտանգային լուրջ  միջոցառումներ:

Նամակներում նաև նշվում է, որ Արցախի Հանրապետության իշխանությունները կոչ են անում ԵԱՀԿ-ին մշտադիտարկման միջազգային առաքելություն իրականացնել այն գոտում, որտեղ սկիզբ են առնում վերոնշյալ գետերը։ Հակառակ դեպքում, կվտանգվի ոչ միայն Արցախի ժողովրդի ջրօգտագործման հիմնարար իրավունքը, այլ նաև՝ ընդհանրապես բնակչության գոյությունը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ռոբերտ Քոչարյան. Մենք տարածաշրջանի նկատմամբ ԱՄՆ դիրքորոշման արմատական վերանայման եզրին ենք
Մենք տեսնում ենք նաեւ նեոօսմանիզմի քաղաքականությունը գործնական հարթությունում․․․
ՌԴ նախագահը նաև հոկտեմբերի 10-ին է պատերազմը դադարեցնելու առաջարկ արել, որը Փաշինյանը մերժել է. Միքայել Մինասյան
Կցված փաստաթուղթը զեկույց է բարձրաստիճան ԳՖՀ դիվանագետի հետ հանդիպման մասին: Դրանում գերմանացի դիվանագետը պատմում է Ռուսաստանի նախագահ Պուտինի եւ Գերմանիայի կանցլեր Մերկելի զրույցի բովանդակությունը...
Քոչարյանը` ընտրություններից առաջ գերիների վերադարձի մասին. պատահականություն, թե՞ զուգադիպություն
«Խնդիրը շատ սուր է մնում...
Էրդողանը Շուշիում մարտահրավեր է նետել Ռուսաստանին
Թուրքիան բացահայտ հայտարարել է Ղարաբաղում իր ռազմական ներկայության եւ ռազմական զորախումբը տեղակայելու մասին․․․
Ռոբերտ Քոչարյան. Լուրջ կասկածներ կան Փաշինյանի` Ադրբեջանի հետ գործարքի հետ կապված
«Վերցրել ես մուրճը, կացինն էլ վերցրու...
Ռոբերտ Քոչարյան. Բոլորովին անհասկանալի է, թե ինչպես հանձնվեցին Շուշին եւ Հադրութը
«Բացարձակ թյուրըմբռնում, թե ինչ է պատերազմը, ինչ է զորահավաքը, ինչ է մոբիլիզացիոն ռեսուրսի ձեւավորումը, ինչ է բանակի համալրումը...
Ամենաշատ