News
Լրահոս
News
Ուրբաթ
Հունիս 25
Տեսնել լրահոսը

Մյանմայում իշխանությունը զավթած զինվորականները ստվերային կառավարությանը, դրանց կողմից հիմնադրված «Ժողովրդական պաշտպանության ուժերին» եւ Միության Վեհաժողովի Ներկայացուցչական հանձնաժողովն (ՄՎՆՀ) անվանել են ահաբեկչական կազմակերպություններ, գրում է DW-ը:

Նրանց գործունեությունը սպառնում է բնակչության անվտանգությանը, հաղորդել է հանրապետության պետական հեռուստատեսությունը: Ավելի վաղ ստվերային կառավարության եւ ՄՎՆՀ-ի հետ համագործակցությունը հայտարարվել էր՝ որպես պետական դավաճանություն:

Նախկինում ստվերային կառավարության բազմաթիվ անդամներ եղել են Հանուն ժողովրդավարության ազգային լիգայի կազմում, որը հաղթանակ էր տարել 2020 թվականի նոյեմբերին կայացած խորհրդարանական ընտրությունների ժամանակ:

Ռազմական խունտան զավթել է Մյանմայում իշխանությունը փետրվարի 1-ի գիշերը՝ հայտարարելով արտակարգ դրություն մեկ տարի ժամկետով: Ձերբակալվել են Հանուն ժողովրդավարության ազգային լիգայի առաջնորդ, Խաղաղության Նոբելյան դափնեկիր Աուն Սան Սու Ճժին եւ մի շարք այլ քաղաքական գործիչները:

Այդ օրվանից հանրապետությունում չեն դադարում զանգվածային բողոքի ցույցերն ընդդեմ պուտչիստների, ուժայինների գործողությունները հանգեցրել են հարյուրավոր մարդկանց մահվան եւ մի քանի հազար մարդու կալանքին: Հարավ-Արեւելյան Ասիայի պետությունների ասոցիացիան պայմանավորվել է Մյանմայում խունտայի ղեկավարի հետ բռնությունը դադարեցնելու մասին, սակայն դա չի վերաբերում քաղաքական բանտարկյալների ազատմանը: Ցուցարարները քննադատրության են ենթարկել այդ ծրագիրը:

!
Այս նյութը հասանելի է նաև   Русский
Տպել
Ամենաշատ