News
Լրահոս
News
Երկուշաբթի
Հունիս 14
Տեսնել լրահոսը

Բրիտանացի արքայազն Մայքլը մտադիր էր օգտվել թագավորական ընտանիքի անդամի իր կարգավիճակից անձնական շահ հետապնդելու համար, այն է՝ գումարի դիմաց հանդիպման հանարավորություն ստեղծել Ռուսաստանի նախագահ Վլադիմիր Պուտինի հետ, պնդում է Sunday Times թերթն ու Channel 4 հեռուստաալիքը, հաղորդում է ВВC ռուսական ծառայությունը:

Լրատվականների հետաքննության մեջ ներկայացվել են կադրեր, որտեղ թագուհի Ելիզավետա II-ի ազգական արքայազն Մայքլը հանդիպում է լրագրողների հետ: Թղթակիցների հետ հանդիպման ժամանակ, որոնք ներկայացել են իբրեւ մասնավոր ընկերությունների ներկայացուցիչներ, հայտնել էին, որ արքայազնին կարելի է վարձել, որպեսզի նա բարեխոսի Կրեմլում այդ հաճախորդների համար: Արքայազն Մայքլի ընկեր, մարկիզ Ռեդինգն, ավելի ուշ նկարագրել է նրան՝ որպես «Ռուսաստանում Թագուհու ոչ պաշտոնական դեսպան»:

78-ամյա արքայազն Մայքլն արձագանքել է այդ պնդումներին: Նրա պաշտոնական ներկայացուցիչը հայտարարել է, որ լրագրողների հետ հանդիպման ժամանակ մարկիզն «արել է հայտարարություններ, որոն արքայազն Մայքլը չէր ցանկանա եւ չէր կարողանա կատարել»: Հայտարարության մեջ նաեւ ասվել է, որ արքայազն Մայքլը չի հանդիպել Ռուսաստանի նախագահ Վլադիմիր Պուտինի հետ 2003 թվականից առ այսօր: «Ինչպես սովորաբար արվում է այդպիսի դեպքերում, արքայազն Մայքլի մասնավոր քարտուղարը բացատրել է այդ ընկերության ներկայացուցիչներին, որ ոչինչ չի կարող արվել առանց Բրիտանիայի դեսպանատան համաձայնության եւ առանց Ռուս-Բրիտանական Առեւտրի պալատի, որի ներկայացուցիչն է արքայազն Մայքլը»,-ասել են արքայազնի ներկայացուցիչները:

!
Այս նյութը հասանելի է նաև   Русский
Տպել
Ամենաշատ