Առնվազն հինգ մարդ է վիրավորվել Նոր Զելանդիայի Դանիդինա կենտրոնում գտնվող սուպերմարկետի այցելուների վրա անհայտ անձի դանակով հարձակման արդյունքում, հայտնում է ՏԱՍՍ-ը՝ վկայակոչելով Նոր Զելանդիայի ոստիկանությունը:
«Ոստիկանական ուժերը ժամանել են Քամբերլենդ սթրիթի վրա գտնվող Դանիդինա կենտրոնում ժամը 14:30-ի սահմաններում տեղի ունեցած միջադեպի վայր: Նախնական տեղեկություններով՝ մի քանի մարդ է դանակահարվել, մեկ մարդ բերման է ենթարկվել»,- նշվում է գերատեսչության հայտարարության մեջ:
The New Zealand Herald պարբերականի տվյալներով՝ անհայտ տղամարդու հարձակման արդյունքում առնվազն հինգ մարդ է դանակահարվել, նրանցից երկուսը միջին ծանրության վնասվածքներ են ստացել, իսկ երեքը ծանր վիճակում տեղափոխվել են հիվանդանոց: Դեպքի վայր են մեկնել ոստիկանության զգալի ուժեր, ժամանել է շտապօգնության մի քանի ավտոմեքենա: Շենքը, որտեղ գտնվում է սուպերմարկետը, տարհանվել է: Ոստիկանությունը հետաքննում է միջադեպը:
