COVID-19-ի դեմ բրիտանա-շվեդական AstraZeneca եւ Janssen ընկերության եւ ամերիկյան Johnson & Johnson (J&J) ընկերության պատվաստանյութերը չպետք է օգտագործվեն նորվեգական պատվաստումների ծրագրում: Այս առաջարկությունը երկուշաբթի արվել է վիրուսային վեկտորային պատվաստանյութերի մասնագետների կառավարական խմբի կողմից, հաղորդում է ՏԱՍՍ-ը՝ վկայակոչելով NRK հեռուստաալիքը:
Նորվեգիան դեռ չի սկսել օգտագործել Janssen պատվաստանյութը, որը ԵՄ-ում եւ թագավորությունում հաստատվել էր մարտի 11-ին: Որոշման հիմքում ընկած էր այն, որ հնարավոր կողմնակի ազդեցությունները՝ թրոմբների առաջացումը, հետագա ուսումնասիրություն է պահանջում:
AstraZeneca պատվաստանյութի օգտագործումը Նորվեգիայում կասեցվել էր նույն օրը՝ մարտի 11-ին, պատվաստված մարդկանց մոտ թրոմբների եւ արյան մակարդման հետ կապված խանգարումների մասին հաղորդումներից հետո: Նորվեգիայի հանրային առողջության գործակալությունը, ինչպես եւ փորձագիտական խումբը, կողմ է նրան, որպեսզի պատվաստանյութն ամբողջությամբ բացառվի պատվաստումների ծրագրից:
