News
Լրահոս
News
Շաբաթ
Հունիս 12
Տեսնել լրահոսը

Սաուդյան Արաբիան կոչ է անում միջազգային հանրությանն Իսրայելին մեղավոր ճանաչել տարածաշրջանում լարվածության սրման մեջ: Այս մասին ասվում է Սաուդյան Արաբիայի արտաքին գործերի նախարարության կողմից երեքշաբթի Twitter-ում հրապարակված հայտարարության մեջ, փոխանցում է ՏԱՍՍ-ը:

«Թագավորությունը միջազգային հանրությանը կոչ է անում ընդունել, որ [Երուսաղեմում] ներկայիս հակամարտության սրման մեջ մեղավոր է իսրայելական օկուպացիան, եւ նաեւ կոչ է անում [Իսրայելին] անհապաղ դադարեցնել միջազգային նորմերը խախտող բոլոր գործողությունները»,- ընդգծել է ԱԳՆ-ն:

Արտաքին գործերի նախարարությունը հավելել է, որ «ամենախիստ ձեւով դատապարտում է իսրայելական օկուպացիոն ուժերի կողմից Ալ-Աքսա մզկիթի անձեռնմխելիության վրա կատարված բացահայտ հարձակումները, ինչպես նաեւ՝ հավատացյալների անվտանգության դեմ ուղղված հարձակումները»:

«Թագավորությունը սատարում է պաղեստինցիներին եւ սատարում է օկուպացիային վերջ տալուն եւ Պաղեստինյան հարցի արդարացի եւ համապարփակ լուծմանը հասնելուն ուղղված բոլոր ջանքերին, որը թույլ է տալիս, որպեսզի պաղեստինցիներն իրենց անկախ Պաղեստինյան պետությունը ստեղծեն 1967 թվականի սահմաններով»,- հավելել են ԱԳՆ-ում:

Ըստ պաղեստինյան Al-Quds թերթը հայտնել է, ոչ ավելի վաղ իսրայելցի իրավապահները բռնի ուժով վտարել են հավատացյալներին Արեւելյան Երուսաղեմի Ալ-Աքսա մզկիթից: Երկուշաբթի «Իզեդին ալ-Քասամ» խմբավորումը հայտարարություն էր տարածել՝ կոչ անելով իսրայելական իշխանություններին մայիսի 10-ին ժամը 18:00-ին (Մոսկվայի ժամանակով) դուրս բերել բոլոր ուժայիններին Տաճարի լեռ թաղամասից եւ Շեյխ Ջարահից շրջանից, ինչպես նաեւ՝ ազատել բոլոր նրանց, ովքեր ձերբակալվել են վերջին բախումների ընթացքում:

Ըստ իսրայելցի զինվորականների՝դրանից հետո Գազայի հատվածից ավելի քան 150 հրթիռ էր արձակվել Իսրայելի ուղղությամբ, որոնց մի մասը իսլամական բանակին հաջողվել էր որսալ: Իսրայելն ի պատասխան հարվածներ է հասցրել Գազայում արմատականների թիրախների ուղղությամբ:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Լիբանանյան ճգնաժամը աշխարհում վատագույններից մեկն է 1850-ականներից ի վեր
Տնտեսական եւ ֆինանսական ճգնաժամը, ամենայն հավանականությամբ, կհայտնվի աշխարհում տասնիններորդ դարի կեսերից ի վեր ամենալուրջ ճգնաժամերի տասնյակում, հնարավոր է՝ եռյակում․․․
ՄԱԿ. Իսրայելական ուժերը կարող էին ռազմական հանցագործություններ կատարել ՀԱՄԱՍ-ի դեմ 11-օրյա պատերազմի ընթացքում
Նրա խոսքով՝ հակամարտության ընթացքում ՀԱՄԱՍ-ի դեմ անխտիր հրթիռային հարձակումները նույնպես պատերազմի կանոնների ակնհայտ խախտում են․․․
Ասադը տիկնոջ հետ Դամասկոսի մոտ գտնվող Դումա քաղաքում քվեարկել է Սիրիայի նախագահի ընտրություններում
Սիրիայի նախագահը մասնակցել է երկրի նախագահի ընտրության քվեարկությանը...
Սիրիայում մեկնարկել են նախագահական ընտրությունները
Լրագրողներն ամբողջ աշխարհից եւ տարբեր երկրներից հրավիրված դիտորդները կկարողանան հետեւել ընտրություններին ամբողջ օրվա ընթացքում...
Բլինքենն ԱՄՆ պետքարտուղարի պաշտոնում առաջին այցով ժամանել է Իսրայել
Բլինքենի` Իսրայելից սկսվող այցի շրջանակներում պանակցություններ են նախատեսված Պաղեստինի նախագահ Մահմուդ Աբասի, Եգիպտոսի նախագահ Աբդել Ֆաթթահ էլ-Սիսիի, Հորդանանի թագավոր Աբդուլահ Երկրորդի հետ...
Բլինքենը մերձավորարեւելյան շրջագայության է մեկնում՝ Իսրայելի եւ ՀԱՄԱՍ-ի միջեւ հրադադարի ռեժիմը ամրապնդելու համար
Պետքարտուղար Բլինքենը կհանդիպի իսրայելցի ղեկավարների հետ՝ Իսրայելի անվտանգության նկատմամբ մեր վճռական հավատարմությունը քննարկելու համար․․․
Ամենաշատ