Կորոնավիրուսի դեմ պատվաստմանը սպասող հուսահատ գերմանացիներն ավելի ագրեսիվ են դառնում, քանի որ վեցամսյա կարանտինից հետո հիասթափությունն աճում է, թեեւ վարակների թիվը սկսել է նվազել:
«Պատվաստումների կենտրոնների վրա ճնշումն ավելանում է: Մարդիկ, ովքեր ուզում են պատվաստվել, ավելի պահանջկոտ են դառնում»,- ասել է Ընտանեկան բժիշկների գերմանական ասոցիացիայի ղեկավարի տեղակալ Անկե Ռիխտեր-Շեերը:
Նրա խոսքով՝ քանի որ Գերմանիան պատվաստանյութեր ստանալու առավելությունների տարածումն ընդլայնում է ավելի շատ խմբերի համար, շատերի համար պարզ չէ, թե ինչու պետք է իրենք սպասեն:
Անկե Ռիխտեր-Շեերը նշել է, որ մարդիկ գալիս են բժիշկների մոտ եւ փորձում են առանց հերթի պատվաստումներ անել, եւ տրամադրությունն ավելի ու ավելի ագրեսիվ է դառնում: Ոմանք նույնիսկ պահանջում են ժամանակից շուտ երկրորդ ներարկումն անել, որպեսզի կարողանան առանց COVID-19-ի հետազոտություն անցնելու արձակուրդ գնալ կամ օգտվել այնպիսի առավելություններից, ինչպիսիք են գնումները: Տարեց պացիենտները, ում AstraZeneca է նշանակված, այլ պատվաստանյութ են պահանջում: