Ավելի քան 100 հանրապետականներ պատրաստ են նամակ ստորագրել՝ սպառնալով երրորդ կուսակցություն ստեղծել, եթե Հանրապետական կուսակցությունը «չբաժանվի» նախկին նախագահ Դոնալդ Թրամփից:
Reuters-ի տվյալներով՝ քանի որ նախկին նախագահը շարունակում է 2020-ի ընտրություններում պարտության մասին սուտ հայտարարություններ անել, «Հանրապետական կուսակցության հավատարմությունը Թրամփին» կուսակցության անդամների շրջանում «տագնապ է առաջացնում»:
Ըստ New York Times-ի, նամակի նախաբանում ասվում է. «Երբ մեր ժողովրդավարական հանրապետությունում պառակտման եւ բռնության դավադրություններ են ծագում, քաղաքացիների հայրենասիրական պարտքն է գործել միասին՝ ի պաշտպանություն ազատության եւ արդարության»:
«Հանրապետական կուսակցության հետ կապված իրավիճակն այնքան սարսափելի է դարձել, որ ժամանակն է լրջորեն մտածել, թե կարող է արդյոք այլընտրանքը միակ տարբերակը լինել»,- ասել է նամակի համահեղինակ Մայլզ Թեյլորը: