Արաբա-իսրայելական հակամարտությունն ավելի շուտ կարելի է հակամարտություն անվանել Իսրայելի եւ «ՀԱՄԱՍ»-ի միջեւ: Իսրայելի նպատակն է ոչնչացնել «ՀԱՄԱՍ»-ի վերահսկողության տակ գտնվող ռազմական օբյեկտները: Այս մասին մայիսի 12-ին «Թեժ Մերձավոր Արեւելք. վտանգ Հարավային Կովկասի համար» թեմայով քննարկման ժամանակ ասաց արաբագետ Արաքս Փաշայանը:
Ըստ նրա՝ լարվածության նոր ալիք բարձրացնման պատճառները ե՛ւ ներքին, ե՛ւ արտաքին են: Այդպես, նա պատճառներից մեկը համարում է ԱՄՆ քաղաքականության փոփոխությունը Մերձավոր Արեւելքում: «ԱՄՆ-ում Ջո Բայդենի իշխանության գալուց հետո զգալի փոփոխություններ են տեղի ունեցել: Նախ, ԱՄՆ նախկին նախագահ Դոնալդ Թրամփի իսրայելամետ քաղաքականությունը ակնհայտորեն որոշակի ճշգրտումների է ենթարկվում Բայդենի կողմից: Ուզում եմ հիշեցնել, որ Թրամփն ապահովել է «Դարի գործարքի» մեկնարկը, որը, այնուամենայնիվ, ոչ մի էական արդյունքի չհասավ»,- ասաց Փաշայանը՝ հավելելով, որ այդ ամենի վրա հսկայական ռեսուրսներ են ծախսվել:
Բացի այդ, արաբագետի խոսքով, ԱՄՆ-ի եւ Իրանի միջուկային գործարքի շուրջ բանակցային գործընթացի մեկնարկը ցույց տվեց, որ անվտանգության ապահովման առումով որոշակի խնդիրներ կան, որոնք մեծապես կապված են Իրանի հետ: Այդպես, տարածաշրջանի որոշ երկրներ վախենում են Իրանի ակտիվացումից եւ դա իրենց ազգային անվտանգության լուրջ մարտահրավերն են համարում: