ԱՄՆ-ն պետք է օգտագործի իր ազդեցությունն իր դաշնակիցների վրա՝ ադրբեջանական զորքերը Հայաստանից դուրս բերելու համար: Այս մասին Twitter-ում գրել է ԱՄՆ կոնգրեսական Ֆրենկ Փալոնեն:
«Ադրբեջանը ներխուժել է Հայաստան, ինչը միջազգային իրավունքի ակնհայտ խախտում է: ԱՄՆ-ն պետք է միանշանակ դատապարտի այս հարձակումը եւ օգտագործի իր ազդեցությունը դաշնակիցների վրա` ադրբեջանական զորքերը Հայաստանի տարածքից դուրս բերելու համար»,- ասել է նա:
Հիշեցնենք, որ մայիսի 12-ի առավոտից ադրբեջանական ստորաբաժանումները, իրենց ճանապարհին ոչ մի խոչընդոտի չհանդիպելով, հատել են սահմանը եւ 3.5 կմ առաջ են անցել դեպի Հայաստան՝ գրավելով Սեւ լճի տարածքը: Հայաստանի իշխանությունները սահմանափակվում են ամպագոռգոռ խոսքերով եւ բանակցություններ են վարում զավթիչների հետ: Իսկ նրանք չեն ցանկանում հեռանալ՝ մտադրվելով գրավել Մեծ Իշխանասար բարձրունքը (3500 մ): Սա գերիշխող բարձրունքը, որն ամբողջությամբ վերահսկում է Սիսիանի օդանավակայանը եւ Սարավանից Գորիս եւ դրանից հետո՝ դեպի Կապան մայրուղին:
ՀՀ պաշտպանության նախարարությունը հաղորդել է, որ մայիսի 13-ին Ադրբեջանի Զինված ուժերը «սահմանները ճշտելու» պատրվակով կրկին փորձել են շարժվել Սիսիանի եւ Վարդենիսի ուղղությամբ:
Նույն օրը կառավարության ղեկավարի պաշտոնակատարը արտաքին գործերի նախարարության, պաշտպանության նախարարության եւ անվտանգության խորհրդի ղեկավարների պաշտոնակատարներին ՀԱՊԿ-ի շրջանակներում խորհրդակցություններ նախաձեռնել Հայաստանի Սյունիքի մարզում տիրող իրավիճակի վերաբերյալ: