News
Լրահոս
News
Շաբաթ
Հունիս 19
Տեսնել լրահոսը

Սիսական ջոկատի հրամանատար, ազատամարտիկ Աշոտ Մինասյանը Սյունիքի Սեւ լճի տարածքում թշնամու առաջխաղացումը պայմանավորում է ռազմաքաղաքական հանգամանքներով։

«Եթե այսպես կոչված պետությունը չունի պետականություն, իշխանություն, բանակ, հրամանատարություն, դրա հետեւանքը լինելու էր սա։ Եթե պետությունը չունի գերագույն գլխավոր հրամանատար, զինվորը չգիտի իր անելիքը, զորքը գտնվում է անօգնական, անտեր վիճակում, նա տարակուսած է։ Ավելի փոքր հրամանատարները նման խնդիր չեն կարող լուծել, մինչեւ չխորհրդակցեն վերին հրամանատարության հետ, որը մենք չունենք։ Կարող է լինել նաեւ երկրորդ տարբերակը. չի բացառվում, որ պետության ղեկավարը միտումնավոր  հանցավոր համաձայնության գալով թշնամու ուժերի հետ՝ սարքել է այս ամենը, որպեսզի չեղարկի ընտրությունները»,– NEWS.am-ի հետ զրույցում ասաց ազատամարտիկը։

Նրա խոսքով՝ թշնամուն անցած տարածքում մեր սահմանային կարեւորագույն դիրքերն էին։

«Այդ տարածքը մեզ համար շատ կարեւոր է. ամբողջ Գորիսի, Սիսիանի գլխին կախված է վտանգ։ Այսինքն՝ Գորիսն ու Սիսիանն իրենց գյուղերով թշնամու թիրախի տակ են հայտնվում»,– նշեց Աշոտ Մինասյանը։

Նախօրեին հրավիրված Անվտանգության խորհրդի նիստում, վարչապետի պաշտոնակատար Նիկոլ Փաշինյանը հայտարարեց ՀԱՊԿ դիմելու մասին եւ համապատասխան հանձնարարականներ տվեց այդ առնչությամբ աշխատանքներ սկսելու համար։ Մինասյանը տարակուսում է. ՀԱՊԿ–ին մերժող իշխանությունները, հիմա դիմել են այդ կառույցի՞ն։ 

«Այդ նույն ՀԱՊԿ–ին իրենք չէին ընդունում, մերժում էին, հիմա դիմել են որպես ո՞վ եւ ի՞նչ։ ՀԱՊԿ–ից շատ բան կարելի էր սպասել, սակայն, չէ՞ որ մենք երեք տարվա ընթացքում տեսել ենք մեր իշխանությունների վերաբերմունքը ՀԱՊԿ–ի նկատմամբ»,– ասաց Մինասյանը։

Անվտանգության խորհրդի քարտուղար Արմեն Գրիգորյանը նախօրեին Առաջին ալիքի եթերում հայտարարել էր, թե պատերազմի ավարտից հետո սահմանային փոփոխություններն են եղել եւ ձմռան պատճառով չեն կարողացել ամբողջ սահմանը կահավորել:

«Մենք Լաչինի համեմատ հարավում ենք գտնվում, ուրեմն մեր տարածքներն ավելի շուտ են բացվում, քան թշնամունը։ Այսինքն՝ մենք ավել վաղ կարող էինք բարձրանալ եւ մեր տարածքների հարցը լուծել։ ԱԽ քարտուղարը չի տիրապետում իրավիճակին, նա ստում է»,– ասաց Մինասյանը։

Ազատամարտիկը բացառում է, որ այս իշխանությունները դիմեն ուժային գործողությունների. «Իրենք կզիջեն ամեն ինչ՝ հայրենիք, որն իրենք չունեն, բայց իրենց պաշտոնը՝ ոչ»։

Տպել
Կարդացեք նաև
Ամբողջը
«Տաշիր» ընկերությունում Ադրբեջանի մեղադրանքները Սամվել Կարապետյանի նկատմամբ աբսուրդ են որակել
«Ես զարմանում եմ, թե ինչպես են Ադրբեջանի իշխանությունները համառորեն շարունակում կենտրոնանալ իրենց ֆանտազիաների վրա...
Եվրախորհրդարանականը կոչ է արել դադարեցնել Բաքվում 14 հայ զինծառայողների նկատմամբ ֆիկտիվ դատը
Ֆուրլասը նշել է, որ չնայած ռազմական հանցագործություններում ադրբեջանցիներին ուղղված բազմաթիվ մեղադրանքներին՝ Բաքուն եւս մեկ բեմադրված դատ է սկսել...
Բագրատյան. պատերազմի ժամանակ օդը պարբերաբար փակում էին ռուսները
«Մեզ մոտ երբեմն զարմանում են՝ ինչու նոյեմբերի 4-ին օդը կրկին բացեցին...
Բագրատյան. Հայկական կողմում մոբռեսուրսները ճակատում գործարկված էր 48 տոկոսով
«Ես կասկածում եմ, որ Փաշինյանը պայմանավորվել է Ալիեւի հետ Շուշին հանձնելու մասին...
Բագրատյան. պատերազմում Ադրբեջանի զոհերի թիվը կազմում է 18 000 մարդ
«Այդ մասին գրում են ընդդիմադիր ադրբեջանական ԶԼՄ-ները»,-ասաց նա...
«Վզգլյադ». Ադրբեջանում Թուրքիայի բազան Ռուսաստանի համար վտանգավոր մարտահրավեր կդառնա
«Ռուսաստանը կփորձի կանխել թուրքական բազայի կառուցումն Ադրբեջանում...