News
Լրահոս
News
Շաբաթ
Հունիս 19
Տեսնել լրահոսը

Երեւան քաղաքի ընդհանուր իրավասության դատարանի Ավան եւ Նոր Նորք նստավայրում` դատավոր Վահե Միսակյանի նախագահությամբ, այսօր՝ մայիսի 14-ին, ՀՀ երրորդ նախագահ Սերժ Սարգսյանի եւ «Ֆլեշ» ընկերության սեփականատեր Բարսեղ Բեգլարյանի գործով դատական նիստին դատարանը հետաձգեց մայր քրեական գործով 2020 թվականի դեկտեմբերի դրությամբ բոլոր նյութերը, ինչպես նաեւ Սեւան Քոչարյանի ցուցմունքներում վկայակոչված ենթադրյալ այլ հանցագործությունների վերաբերյալ իրավական գնահատական պարունակող որոշումների պատճեները տրամադրելու միջնորդության վերաբերյալ որոշում կայացնել։

«Միջնորդության մեջ նշված փաստաթղթերը պահանջելու անհրաժեշտությունը դատարանը կարող է գնահատման ենթարկել սույն քրեական գործով ապացույցները, գրավոր ապացույցների նյութերը հետազոտելուց հետո, վկաների հարցաքննությունից հետո, այսինքն՝ այդ միջնորդությունը հետաձգվում է»,- հայտարարեց նիստը նախագահող դատավորը։

Նշենք՝ պաշտպանական կողմը պնդում էր, որ Սերժ Սարգսյանի գործն անջատվել է հիմնական քրեական գործից, եւ նրան արդարացնող ապացույցները չեն դրվել անջատված քրեական գործում։

Պաշտպանների պնդմամբ՝ վարույթն իրականացնող մարմինը չի տրամադրել գործի բոլոր նյութերը, որոնք առնչվում են իրենց պաշտպանյալին առաջադրված մեղադրանքին։

Հաջորդ դատական նիստը նշանակվեց հունիսի 3-ին՝ ժամը՝ 14։30-ին։

Նշենք, որ կորոնավիրուսի հետեւանքով մահացել են գործով ամբաստանյալներ Սերգո Կարապետյանը եւ Սամվել Գալստյանը։ Ըստ մամուլի տեղեկությունների, մեղադրանքի հիմքում Սերգո Կարապետյանի ցուցմունքն է. նա եւ Սերժ Սարգսյանն առերեսվել են։ Դատարանի որոշմամբ Սերգո Կարապետյանի եւ Սամվել Գալստյանի Նախորդ դատական նիստին նկատմամբ քրեական հետապնդումը դադարեցվել է։

Ըստ մեղադրական եզրակացության՝ Սերժ Սարգսյանի կազմակերպմամբ եւ Բարսեղ Բեգլարյանի դրդմամբ, Սամվել Գալստյանի ու Գեւորգ Հարությունյանի օժանդակությամբ, Սերգո Կարապետյանի կողմից 2013 թվականի հունվարի 25-ից փետրվարի 7-ն ընկած ժամանակահատվածում ՀՀ կառավարության պահուստային ֆոնդից վատնվել է պետական աջակցության ծրագրերի իրականացման ընթացքում իրացված 15.391.765 լիտր դիզելային վառելիքի համար հատկացված սուբսիդիայի առանձնապես խոշոր չափերով գումարը՝ 489.160.310 ՀՀ դրամ:

Սերժ Սարգսյանին մեղադրանք է առաջադրվել ՀՀ ՔՕ 38-179-րդ հոդվածի 3-րդ մասի 1-ին կետով՝ առանձնապես խոշոր չափերով յուրացնելը կամ վատնելը։

Երրորդ նախագահն իրեն առաջադրված մեղադրանքը չի ընդունում։ Նրա պաշտպան Ամրամ Մակինյանը պնդում է, որ մեղադրանքը շինծու է։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Խոշոր ավտովթար Սյունիքի մարզում. բժիշկները պայքարում են արցախցի 5 վիրավորների այդ թվում՝ երեխաների կյանքի համար
Արցախի Հանրապետության Ստեփանակերտ քաղաքի բնակիչ, 44-ամյա Սամվել Մանգասարյանը, իր վարած Nissan X-Trail…
Թուրքիայի իշխանություններն արտաքսում են Ճապոնիայի քաղաքացուն փիսիկիներին սպանելու եւ ուտելու պատճառով
Ճապոնացին մոտ երեք տարի ապրում էր Ստամբուլում...
Արցախից Երևան եկող ավտոբուսներից մեկը վթարի է ենթարկվել. ուղևորներից մեկի վիճակը ծայրահեղ ծանր է
Առողջապահության նախարարությունը կազմակերպել է, որ «Էրեբունի» ԲԿ-ից երկու վիրաբույժներ սանավիացիայով մեկնեն Սիսիան ԲԿ...
Ռուանդայում դատախազությունը ցմահ ազատազրկում է պահանջում «Ռուանդայի հյուրանոցը» ֆիլմի հերոսի համար
«Մենք ապացուցեցինք, որ Ռուսեսաբագինայի յուրաքանչյուր գործողություն հանցավոր բնույթ էր կրում՝ ահաբեկչություն իրականացնելու մտադրությամբ...
Հնդկաստանում Twitter-ի ներկայացուցիչը ոստիկանություն է կանչվել` տեսանյութի վերաբերյալ պարզաբանումներ տալու համար
Խոսքը տեսանյութի մասին է, որում մի քանի տղամարդ, ըստ երեւույթին` հինդուիստներ, ծեծում են տարեց մահմեդական տղամարդուն եւ կտրում նրա մորուքը...
Ծեծկռտուք՝ ոստիկանների մասնակցությամբ (վիդեո). hetq.am
Ոստիկանության լրատվության ծառայությունից հայտնեցին, որ նշանակվել է ծառայողական քննություն…