News
Լրահոս
News
Ուրբաթ
Հունիս 25
Տեսնել լրահոսը

ՀՀ փոխվարչապետ Տիգրան Ավինյանը չի հանդիպել մեզ հետ։ Այս մասին NEWS.am-ի հետ զրույցում ասաց Գորիսի փոխքաղաքապետ Մենուա Հովսեփյանը։

Նշենք, որ փոխվարչապետն այս պահին Գորիսում է։ Նա լրագրողների հետ զրույցում ասել է, որ այս կամ այն կերպ իրենք հասնելու են հանգուցալուծման, որովհետեւ շատ հստակ է՝ ադրբեջանական զինված ուժերն անցել են ՀՀ սուվերեն տարածքը. «Մենք պետք է նաեւ պատրաստ լինենք մեր ինքնիշխան տարածքի պաշտպանությանը, իսկ վատ սցենարի դեպքում ակնկալում ենք մեր դաշնակիցների աջակցությունը»։

Գորիսի փոխքաղաքապետն ասաց, որ իրենք ընդհանրապես ցանկություն չունեն Ավինյանի հետ հանդիպելու. «Իր ասածները ես լուրջ չեմ ընդունում։ Ավինյանը մեզ հետ չի հանդիպել, չեմ կարող ասել՝ այստեղ ինչ է անում, երեւի փիառով է զբաղված։ Մենք ընդհանրապես ցանկություն չունենք իր հետ հանդիպելու»։

Հիշեցնենք, որ Սյունիքի մարզի Սեւ լճի տարածքում բանակցություններն առավոտից վերսկսվել են։

ՀՀ Պաշտպանության նախարարությունից NEWS.am-ին հայտնել են, որ ադրբեջանական զորքը շարունակում է մնալ Հայաստանի պետական սահմանի ներսում՝  Սյունիքի եւ Գեղարքունիքի հատվածներում։

Նախարարության լրատվական բաժնի փոխանցմամբ՝ բանակցություններին  հայկական կողմն իր դիրքորոշումը հստակ հայտնել է՝ պնդելով, որ «դրանք մեր տարածքներն են, եւ մենք չենք պատրաստվում դրանցից անգամ մեկ մետր հետ քաշվել, իրենք պարտավոր են հեռանալ»։

Նշենք, որ նախօրեին բանակցություններ էին տեղի ունեցել հայկական եւ ադրբեջանական կողմերի միջեւ։

Հիշեցնենք նաեւ, որ նախօրեին հրավիրված ԱԽ նիստում, վարչապետի պաշտոնակատար Նիկոլ Փաշինյանը հայտարարել է, որ Հայաստանը Սյունիքի եւ Գեղարքունիքի դեպքերի առնչությամբ դիմելու է ՀԱՊԿ–ին։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Արցախի ՄԻՊ-ը ՄԱԿ-ում առցանց քննարկմանը դատապարտելի է համարել միջազգային հանրության կողմից Արցախի մեկուսացումը
Պաշտպանը անդրադարձել է 2020 թվականի աշնանը ադրբեջանաթուրքական ագրեսիայի ընթացքում ադրբեջանական...
«Տեղ համայնքում ադրբեջանցիները ավարտել են ինժեներական աշխատանքները, լուրջ սարքավորումներ են տեղադրել». Tert․am
Մեր տեսանելի հատվածում իրենք արել են այն ամենը, ինչը իրենց անհրաժետ է, այս պահին լուրջ տեխնիկական աշխատանքներ չեն արվում...
14 հայ ռազմագերիներին Բաքվում 14-20 տարի կամ ցմահ ազատազրկում է սպառնում
Ըստ մեղադրող կողմի՝ ամբաստանյալներն ապօրինի կերպով զենք, զինամթերք, պայթուցիկ նյութեր եւ սարքեր են ձեռք բերել եւ օրենսդրությամբ չնախատեսված զինված կազմավորումներ են ստեղծել...
Մենք չպետք է թույլ տանք, որ Ադրբեջանը անպատիժ խախտի մարդու իրավունքները. Ադամ Շիֆ
Ռազմագերիներին հետապնդելը միջազգային կոնվենցիաների կոպիտ խախտում է...
ՀԿ ղեկավար. Հայաստանի իշխանությունները երկրի անվտանգությունը փոխանցեցին Ադրբեջանին
«Միջազգային հանրությունն այժմ կարող է ասել. «Դե, եթե դա է իրենց ընտրությունը, եթե ձայներն այդպես բաշխվեցին, ապա ամեն ինչ պարզ է»....
ՀԿ ղեկավար. ՀՀ իշխանությունները նպաստում են ադրբեջանցիների վերադարձին Ղարաբաղ
Պաշտոնական Երեւանի նման պահվածքը, ըստ Պողոսյանի, միայն հերթական անգամ տարակուսանք է առաջացնում...
Ամենաշատ