News
Լրահոս
News
Շաբաթ
Հունիս 19
Տեսնել լրահոսը

Կորոնավիրուսի համավարակի երկրորդ տարին կարող է հանգեցնել ավելի մեծ թվով մահերի, քան առաջինը: Այս մասին ուրբաթ օրը Ժնեւում կայացած ճեպազրույցում ասել է Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Գեբրեեսուսը, հայտնում է ՏԱՍՍ-ը:

«COVID-19-ն արդեն հանգեցրել է ավելի քան 3,3 միլիոն մարդու մահվան, եւ մենք այն ուղու վրա ենք, որ այս համավարակի երկրորդ տարին կարող է ավելի մահաբեր լինել, քան առաջինը»,- ասել է նա:

ԱՀԿ ղեկավարը համաշխարհային հանրությանը կոչ է արել համավարակի դեմ պայքարում օգտագործել «միջոցառումների համադրությունը»՝ պատվաստումներ եւ հանրային առողջապահության ոլորտում այլ քայլեր: Կորոնավիրուսի դեմ մեծ քանակի պատվաստանյութեր ունեցող պետություններին նա կոչ է արել COVAX մեխանիզմի միջոցով կիսվել նրանց հետ, ովքեր չունեն դրանք։ Գեբրեեսուսը COVAX-ն անվանել է «իրավահավասար պատվաստում ապահովելու ամենաարագ ուղին»:

COVAX-ը միջազգային մեխանիզմ է, որը գործարկվել է ԱՀԿ-ի կողմից՝ Պատվաստումների եւ պատվաստանյութերի գլոբալ դաշինքի եւ Համաճարակային պատրաստվածության նորարարությունների կոալիցիայի հետ համատեղ: Այն աջակցում է արտադրական հզորությունների ստեղծմանն ու գնումներ է իրականացնում: Ծրագրի պայմանների համաձայն՝ բարձր եկամուտ ունեցող երկրները վճարում են պակաս հարուստ երկրների պատվաստանյութերի համար: Ծրագրի համաձայն՝ մեխանիզմի շրջանակներում մինչեւ 2021 թվականի վերջը 2 միլիարդ չափաբաժին պատվաստանյութ պետք է արտադրվի եւ հավասարաչափ բաշխվի ամբողջ աշխարհում:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Արցախում հաստատվել է կորոնավիրուսային հիվանդության 2 նոր դեպք
2021 թվականի սկզբից կորոնավիրուսի լաբորատոր հայտնաբերման նպատակով իրականացվել է 8 502 քաղաքացու…
Հայաստանում հաստատվել է կորոնավիրուսով վարակվելու 81 դեպք, մահացել է 4 քաղաքացի
Անցած մեկ օրում կորոնավիրուսով վարակված պացիենտների՝ այլ հիվանդությունից մահվան դեպք չի գրանցվել…
ԱՀԿ-ն անվանել է կորոնավիրուսի «Դելտա» տարբերակը՝ որպես աշխարհում գերիշխող
Նա բացատրել է դա կորոնավիրուսի այդ տեսակի փոխանցվելու ունակության մեծացմամբ...
Իտալիան կարանտին է սահմանել Մեծ Բրիտանիայից ժամանող ճանապարհորդների համար՝ կորոնավիրուսի դելտա շտամի պատճառով
Միեւնույն ժամանակ, Իտալիան վերացնելու է սահմանափակումները Միացյալ Նահանգներից, Կանադայից, Ճապոնիայից եւ ԵՄ այլ երկրներից ժամանող ճանապարհորդների համար՝ պայմանով, որ նրանք ունենան «կանաչ անցաթուղթ»…
ԶԼՄ-ները տեղեկացնում են Ռուսաստանի եւ Թուրքիայի ավիահաղորդակցության վերսկսման հնարավորության մասին
Այժմ Թուրքիա թռիչքները կորոնավիրուսի համավարակի ֆոնին պակաս վտանգավոր են թվում...
Ռուսաստանում հայտնաբերվել է փետրվարի 1-ից կորոնավիրուսով վարակման օրական 17 648 նոր դեպք
Մոսկվայում հայտնաբերվել է 9056 դեպք: