News
Լրահոս
News
Կիրակի
Հունիս 13
Տեսնել լրահոսը

Այսօրվանից 141 օր ժամկետով կանգնեցվում է Հայկական ԱԷԿ-ը: Եթե ինչ-որ մեկին թվում է, որ սա զուտ էներգետիկ համակարգին վերաբերող լոկալ խնդիր է, ապա չարաչար սխալվում է: Այս մասին ֆեյսբուքյան իր էջում գրել է էներգետիկ անվտանգության փորձագետ, «Մեկ Հայաստան» կուսակցության խորհրդի անդամ Վահե Դավթյանը

«Դավաճանական ռեժիմի կողմից արտահանման քաղաքականության ձախողման արդյունքում կանգնեցված է նաև երկրի խոշորագույն էներգետիկ օբյեկտներից մեկը՝ Հրազդանի 5-րդ էներգաբլոկը: Դրա հետ մեկտեղ Երևանի ՋԷԿ-ը դիտարկվում է որպես ռեզերվային միջոց: Մինչդեռ ավանդաբար ԱԷԿ-ի կանգնեցման ժամանակ հենց ՋԷԿ-երն էին իրենց վրա վերցնում հիմնական գեներացիոն բեռը: Այդպիսին է Հայաստանի էներգետիկ անվտանգության ապահովման սխեման, որը ոչնչացվեց վերջին 3 տարվա ընթացքում:

Երկրում ստեղծված էլեկտրաէներգետիկ պակասորդը լրացվելու է Վրաստանից ներկրման ճանապարհով: Հայտնի է, որ Վրաստանն ինքը էլեկտրաէներգիա ներկրող պետություն է, ընդ որում՝ ներկրման կառուցվածքում առյուծի բաժին է զբաղեցնում ադրբեջանական ու մասամբ թուրքական էլեկտրաէներգիան: Ուստի, չունենալով մեծ ավելցուկային հզորություններ՝ Վրաստանը ստիպված է լինելու ավելացնել էլեկտրաէներգիայի ներկրումն Ադրբեջանից ու Թուրքիայից՝ այն Հայաստան վերաարտահանելու նպատակով:

Այս ամենը կարելի է դիտարկել «Հյուսիս-Հարավ» (Իրան-Հայաստան-Վրաստան-Ռուսաստան) էլեկտրաէներգետիկ միջանցքի նախագիծն օրակարգից հանելու համատեքստում, ինչին գումարվում է նաև Իրան-Հայաստան բարձրավոլտ օդային գծի կառուցման անթույլատրելի դանդաղ տեմպերն ու Հայաստան-Վրաստան գծի կառուցման նախագծի գրեթե սառեցված կարգավիճակը:

Մեծ հաշվով այս կոնֆիգուրացիան տեղավորվում է Հյուսիս-Հարավ ու Արևելք-Արևմուտք տրանսպորտային միջանցքների միջև ընթացող մրցակցության շրջանակների մեջ: Առաջինն ավանդաբար բխել է Հայաստանի շահերից, որոնք այժմ ոտնահարված են, մոռացված, երկրորդի համար մշտապես պայքարել է Ադրբեջանը՝ այժմ ստանալով մեծ հնարավորթյուն Հայաստանը վերջնականապես տարածաշրջանային կոմունիկացիաներից դուրս մղելու համար»,- գրել է նա:

Տպել
Կարդացեք նաև
Ամբողջը
Թուրքիան կիսվել է Սեւ ծովում ամերիկյան ընկերությունների կողմից գազի հանքավայր հայտնաբերելու տվյալների մասին
Եթե գազը կարելի է հայթայթել կոմերցիոն նպատակով, այդ բացահայտումը կարող է փոխել Ռուսաստանից, Իրանից ու Ադրբեջանից Թուրքիայի էներգետիկ կախվածությունը...
«Գազային անկլավներ» չեն լինի. Ռոբերտ Քոչարյան
2008թ. գազից 480 հազար օգտվող կար...
Նավթն էժանանում է
Նավթի համաշխարհային գները նվազում են առավոտյան «սեւ ոսկու»...
Ռոբերտ Քոչարյանը ճիշտ քայլ չի համարում Որոտանի կասկադի վաճառքը
Որոտանի կասկադի վաճառքը սխալ էր...
Նավթի համաշխարհային գներն ընկնում են
WTI նավթի հուլիսյան ֆյուչերսների գինը նվազել է 0.82 տոկոսով՝ մեկ բարելի դիմաց կազմելով 68.66 դոլար...
Արթիկ համայնքին տրվել է 600 կՎտ հզորությամբ արևային էլեկտրակայանում էլեկտրաէներգիայի արտադրության լիցենզիա. ԿԾԿՀ
Էներգախնայողության աջակցման հիմնադրամի գործադիր տնօրեն, EU4ASEP ծրագրի ղեկավար Աստղինե Պասոյանը նշել է, որ Էներգախնայողության աջակցման...
Ամենաշատ
Ֆոտոռեպորտաժներ