News
Լրահոս
News
Կիրակի
Հունիս 13
Տեսնել լրահոսը

Մայիսի 15-ին ԱԳ նախարարի պաշտոնակատար Արա Այվազյանը հանդիպում ունեցավ Իրաքյան Քուրդիստանի տարածաշրջանային կառավարության փոխվարչապետ Քուբադ Թալաբանիի հետ։ Այս մասին հայտնում է ՀՀ ԱԳՆ-ն:

Ողջունելով փոխվարչապետ Թալաբանիին և նրա գլխավորած պատվիրակությանը՝ նախարարի պաշտոնակատար Այվազյանը նշեց, որ թեև այցը տեղի է ունենում Հայաստանի համար բարդ շրջանում, այն խորհրդանշական է պատմական ամուր կապերով միահյուսված հայ֊քրդական հարաբերությունների ամրապնդման տեսանկյունից։

ՀՀ ԱԳ նախարարի պաշտոնակատարը գոհունակությամբ ընդգծեց վերջին շրջանում Իրաքի Հանրապետության հետ հարաբերությունների զարգացման դրական դինամիկան: Արա Այվազյանը վերահաստատեց Հայաստանի պատրաստակամությունը` խորացնելու և ընդլայնելու Իրաքյան Քուրդիստանի Ինքնավարության հետ փոխշահավետ բազմաոլորտ համագործակցությունը՝ այդ համատեքստում կարևորելով Էրբիլում ՀՀ Գլխավոր հյուպատոսության և տեղի իշխանությունների միջև հաստատված սերտ կապերը: Անդրադարձ կատարվեց հեռանկարային ուղղություններ հանդիսացող բարձր տեխնոլոգիաների,  ստեղծագործ կրթության և զբոսաշրջության ոլորտներում փոխգործակցության շուրջ ձեռք բերված պայմանավորվածությունների կյանքի կոչման ընթացքին։

Երկուստեք բարձր գնահատվեց Իրաքյան Քուրդիստանի հայ համայնքի ներդրումը ինքնավարության քաղաքական, հասարակական և մշակութային կյանքում, ինչպես նաև երկու ժողովուրդների բարեկամությունն առավել ամրապնդելու գործում։

Հանդիպման ընթացքում քննարկվեցին նաև տարածաշրջանային և միջազգային օրակարգային հրատապ հարցեր։ Առանձնահատուկ կարևորվեց Մերձավոր Արևելքում ազգային և կրոնական փոքրամասնությունների իրավունքների ու պատմամշակութային ժառանգության պաշտպանությունը: Այս առնչությամբ ՀՀ ԱԳ նախարարի պաշտոնակատարը բարձր գնահատեց Երևանի Մեսրոպ Մաշտոցի անվան Մատենադարանի և Էրբիլի Ասորական ժառանգության թանգարանի միջև ձեռագրերի արդիականացման և վերականգման շուրջ համագործակցությունը:

ՀՀ ԱԳ նախարարի պաշտոնակատարը պատվիրակության անդամներին ներկայացրեց Ադրբեջանի կողմից իրականացված սադրիչ գործողությունների  հետևանքով ՀՀ սահմանամերձ մարզերում ստեղծված իրադրությունը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Kuaishou-ի փոխնախագահ. կարող ենք չինացի ինֆլյուենսերներին հրավիրել Հայաստան տուրիզմի զարգացման համար
Պարոն Լյու Չժեն, ինչպե՞ս Ձեր հավելվածի միջոցով զբոսաշրջիկների ներգրավել...
Հայաստանը եւ Վրաստանը հունիսի 15-ից կվերսկսեն համաճարակով ընդհատված երկաթուղային հաղորդակցությունը
«Հունիսի 15-ին առաջին գնացքը Երեւանից Թբիլիսիով կմեկնի Բաթումի...
Բալին պատրաստ է բացվել զբոսաշրջիկների համար արդեն 2021 թվականի հուլիսից
Ինդոնեզիայի նախագահ Ջոկո Վիդոդոն հայտարարել է 2021 թվականի հուլիսին սահմանները կրկին բացելու ծրագրերի մասին, ընդ որում՝ այնպիսի ուղղություններն, ինչպես Բալին, Բաթամն ու Բինթանը, կդառնան...
Ֆրանսիան բացվում է պատվաստված օտարերկրյա զբոսաշրջիկների համար
Մեղմացված կանոններն ուժի մեջ կմտնեն հաջորդ շաբաթ...
Թուրքիայում հաշվարկվել են ռուս զբոսաշրջիկների բացակայության պատճառով կրած վնասները
Միեւնույն ժամանակ, դեռեւս չկա լիակատար վստահություն, որ հունիսի 21-ից հետո թռիչքները կվերսկսվեն…
«Խոսրովի անտառ» արգելոցում տրվել է էկոտուրիզմի նոր ծրագրի մեկնարկը՝ զբոսաշրջային հատուկ երթուղիներով
ՀՀ բնության հատուկ պահպանվող տարածքների պատշաճ պահպանության...
Ամենաշատ
Ֆոտոռեպորտաժներ