Հավաքական անվտանգության պայմանագրի կազմակերպության (ԽՎ ՀԱՊԿ) Խորհրդարանական վեհաժողովի խորհրդի նիստը տեղի կունենա հուլիսի 1-ին: Այս մասին երկուշաբթի Հայաստանի Ազգային ժողովի նախագահ Արարատ Միրզոյանի հետ հանդիպման ժամանակ հայտարարեց Պետդումայի խոսնակ, ՀԱՊԿ ԽՎ նախագահ Վյաչեսլավ Վոլոդինը:
«Հասկանալի է, որ համավարակն իր հետքն է թողնում: Այժմ դա աստիճանաբար մնում է անցյալում: Ուստի մոտ ժամանակներս, հուսով եմ, կհանդիպենք նաեւ ՀԱՊԿ Խորհրդարանական վեհաժողովի շրջանակներում, որը տեղի կունենա հուլիսի 1-ին»,- Վոլոդինին մեջբերում է Պետդումայի կայքը:
Ինչպես նշված է ՀԱՊԿ ԽՎ կայքում, կազմակերպության խորհրդի նիստը նախատեսվում է անցկացնել Դուշանբեում: ՀԱՊԿ ԽՎ խորհուրդը կազմակերպում է վեհաժողովի գործունեությունը եւ բաղկացած է Հայաստանի, Բելառուսի, Ղազախստանի, Ղրղզստանի, Ռուսաստանի եւ Տաջիկստանի խորհրդարանների ղեկավարներից (խորհրդարանների պալատների ղեկավարներ): Ներկայումս ՀԱՊԿ ԽՎ-ն նախագահում է Պետդումայի խոսնակը:
