News
Լրահոս
News
Ուրբաթ
Հունիս 18
Տեսնել լրահոսը

Արցախի Հանրապետության մարդու իրավունքների պաշտպան Գեղամ Ստեփանյանը նամակ է ուղարկել Եվրոպայի խորհրդի մարդու իրավունքների հանձնակատար Դունյա Միյատովիչին, որում մասնավորապես ասված է․

«Հարգելի´ տիկին Միյատովիչ,

Որպես Արցախի Հանրապետության Մարդու իրավունքների պաշտպան հայտնում եմ Ձեզ իմ պատրաստակամությունը համագործակցելու հանուն մարդու իրավունքների պաշտպանության, որն այսօր մեր երկրի համար էլ ավելի կարևոր է` հաշվի առնելով ադրբեջանա-թուրքական ագրեսիայի հետևանքով Արցախի Հանրապետության և նրա ժողովրդի առջև ծառացած հումանիտար խնդիրների ծավալն ու բարդությունը:

2020թ. աշնանը Ադրբեջանի կողմից սանձազերծված պատերազմի ընթացքում ադրբեջանական զինված ուժերի կողմից իրականացվել են միջազգային մարդասիրական իրավունքի կոպտագույն խախտումներ, ինչը հանգեցրել է Արցախում հումանիտար դժվարագույն իրավիճակի։ Ադրբեջանի զինված ուժերը միտումնավոր և չտարբերակված ձևով թիրախավորել են քաղաքացիական բնակչությանը, երեխաներին, տարեցներին, լրագրողներին, հայկական մշակութային ժառանգությունը․ նրանք սպանել են գերեվարված հայ զինծառայողներին և քաղաքացիական անձանց, խեղել և խոշտանգել նրանց մարմինները: Այսօր, պատերազմի հետևանքով, չնայած մի շարք միջազգային իրավապաշտպան կազմակերպությունների կոչերին, Ադրբեջանում անհայտ պայմաններում 200-ից ավելի ռազմագերիներ են պահվում, շուրջ 40.000 մարդ դարձել է ներքին տեղահանված, մի շարք հայկական մշակութային հուշարձաններ մինչ օրս ենթարկվում են վանդալիզմի և ոչնչացվում:

Պատերազմի հենց առաջին օրվանից Պաշտպանը նախաձեռնել է փաստահավաք առաքելություն՝ նպատակ ունենալով ուսումնասիրելու և արձանագրելու պատերազմի ընթացքում և պատերազմից հետո Ադրբեջանի կողմից իրականացված խախտումներն ու ռազմական հանցագործությունները: Փաստահավաք առաքելության արդյունքներն ըստ թեմաների առանձին ներկայացվել են Արցախի մարդու իրավունքների պաշտպանի կողմից պատրաստված տասնյակից ավելի արտահերթ զեկույցներում:

Կցանկանայի նշել, որ հետպատերազմյան հումանիտար իրավիճակի գնահատման ուղղությամբ փաստահավաք աշխատանքները շարունակվում են և միջազգային գործընկերների, խորհրդարանական մարմինների և իրավապաշտպան կազմակերպությունների ներկայությունը տեղում իրավիճակը գնահատելու առումով շատ կարևոր է։

Իմ կողմից ուզում եմ ևս մեկ անգամ հայտնել իմ պատրաստակամությունը և կոչ անել` փոխադարձ ջանքեր գործադրելու Արցախի ժողովրդի իրավունքները պաշտպանելու ուղղությամբ, քանզի միջազգային հանրության պարտականությունների մեջ է մտնում ապահովելու մարդու իրավունքների պաշտպանությունը աշխարհի բոլոր անկյուններում` անկախ տարածքի միջազգային կարգավիճակից, ներառյալ Արցախը»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԵՄ-ն աջակցություն է ցուցաբերելու Հայաստանում ընտրական գործընթացին
ՀԸԳԱ-ն թիրախավորելու է այնպիսի առանցքային ոլորտներ, ինչպիսիք են 2017թ․ ընտրություններին ներմուծված ընտրողների նույնականացման սարքերի...
ԵՄ-ն անդամ երկրներին խորհուրդ է տալիս սկսել վերացնել սահմանափակումներն ԱՄՆ-ից զբոսաշրջիկների համար
ԵՄ մի շարք երկրներ արդեն սկսել են ընդունել ամերիկացի այցելուներին...
Բորել. ԵՄ-Ռուսաստան հարաբերությունների բարելավման մեծ հույսեր չկան
«Ստեղծված պայմաններում ԵՄ-Ռուսաստան գործընկերության վերսկսումը, որը թույլ է տալիս ավելի սերտ համագործակցություն հաստատել, հեռավոր հեռանկար է թվում...
Եվրամիությունըլրացուցիչ պատժամիջոցներ է համաձայնեցրել Բելառուսի դեմ
Պատժամիջոցներն ուղղված են Բելառուսի ավիացիայի ոլորտի հետ կապված յոթ պաշտոնյաների դեմ...
ԵՄ-ն Հայաստանին եւ Ադրբեջանին կոչ է անում վերսկսել առարկայական բանակցությունները ԵԱՀԿ Մինսկի խմբի հովանու ներքո
«Դրանք կարեւոր մարդասիրական քայլեր եւ վստահության ամրապնդման ժեստեր են Բաքվի եւ Երեւանի կողմից...
Վարչապետ. Հունաստանը պատրաստ է աջակցել Թուրքիայի հետ հարաբերություններում ԵՄ «դրական» օրակարգին
«Իհարկե, մենք միշտ բաց ենք դրական օրակարգի համար, սակայն հետզհետե, համաչափ եւ հետադարձելիորեն...
Ամենաշատ