News
Լրահոս
News
Ուրբաթ
Հունիս 18
Տեսնել լրահոսը

ԱՄՆ-ում հաշմանդամություն ունեցող անձանց հաղորդակցության նոր եղանակ են մշակել: Գիտնականները կաթվածահար հիվանդի ուղեղում իմպլանտներ են տեղադրել եւ, ալգորիթմի օգնությամբ առաջին անգամ վերծանել են նեյրոնային ազդանշանները, որոնք կապված են առանձին տառեր գրելու հետ: Իսկ այնուհետեւ կարողացել են իրական ժամանակում տեղափոխել դրանք էկրանին: Տեքստը հավաքելու արագությունը րոպեում 90 նիշ է կազմել, մոտավորապես նույն արագությամբ մարդիկ հաղորդագրություններ են գրում սմարթֆոններում, հաղորդում է HighTech+-ը:

Սթենֆորդի համալսարանի գիտնականների խումբը վերծանել է խոսքի հետ ասոցացված նեյրոնային ակտիվությունը եւ ուղեղում իմպլանտներ ունեցող պացիենտների համար մտքի ուժով կուրսորի շարժումը էկրանին վերահսկելու միջոց է գտել: Կաթվածահարները կարողացել են կուրսորը դնել խորհրդանիշի վրա եւ սեղմել այն րոպեում 40 նիշ արագությամբ, ասում է Science Daily-ն:

Սակայն այնուհետեւ գիտնականները մտահղացել են դիմել գրելու հմտությանը: Նրանք կամավորի՝ ողնաշարի վնասվածք ունեցող, պարանոցից ներքեւ անդամալույծ 65-ամյա տղամարդու ուղեղի մեջ ձեռքի եւ դաստակի շարժումները վերահսկող փոքրիկ չիպեր են տեղադրել: Երբ նա պատկերացրել է, թե ինչպես է տառեր գրում, նեյրոններից ազդանշանները ուղարկվել են ուղեղին, իսկ մեքենայական ուսուցման ալգորիթմը ճանաչել է օրինաչափությունները:

Արդյունքում տղամարդը կարողացել է շփվել նույնքան արագ, ինչպես իր տարիքի տղամարդը սմարթֆոնում հաղորդագրություններ է գրում: Տեքստը էկրանին հայտնվել է րոպեում 90 նիշ արագությամբ, ինչը ավելի քան երկու անգամ արագ է նեյրոնային ինտերֆեյսի նախորդ ռեկորդից:

Ինտերֆեյսի արագությունը բացատրվում է նրանով, որ յուրաքանչյուր տառն առաջացնում է ակտիվության որոշակի եւ լավ տարբերակելի օրինաչափություն, որը ալգորիթմի համար բավականին հեշտ է ճանաչել:

Սթենֆորդի գիտնականների մշակումը անհրաժեշտ վերանայումից հետո թույլ կտա առանց ձեռքերը օգտագործելու արագ տեքստ մուտքագրել: Հետագայում նրանք նախատեսում են ինտերֆեյսը փորձարկել խոսելու ունակությունից զրկված պացիենտների, օրինակ՝ կողային ամիոտրոֆիկ սկլերոզով հիվանդների վրա։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մեկնարկում է տեխնոլոգիական մասնագիտություններով դասընթացների գրանցման գործընթացը
Հայտարարված մրցույթների արդյունքների ամփոփման արդյունքում ընտրվել են դասընթացների կազմակերպման և անցկացման համար լավագույն ծրագիրը…
Facebook Inc-ը Instagram Reels-ում գլոբալ գովազդներ է ցուցադրելու
Սոցիալական ցանցը, որի նպատակը կարճ տեսանյութերով գումար վաստակելն է, ապրիլին սկսել է Instagram Reels գովազդները փորձարկել Հնդկաստանում, Բրազիլիայում, Գերմանիայում եւ Ավստրալիայում…
Android-ը 47 անգամ ավելի շատ վնասակար ծրագրեր ունի, քան iOS-ը. Թիմ Կուկ
Քանի որ մենք iOS-ը մշակել ենք այնպես, որ կա հավելվածների մեկ խանութ…
2021 թվականի «Գաղափարից մինչև բիզնես» դրամաշնորհային ծրագրի մրցույթի մեկնարկը տրվել է
Ծրագրի 3 բաղադրիչները՝ նորարարական, հեռանկարային և բեկումնային, թիրախավորում են պրոդուկտի զարգացման շղթայի առանձին փուլեր...
Անգելա Մերկելը TUMO Berlin-ով վիրտուալ շրջայց է կատարել
Մերկելը TUMO Berlin-ով վիրտուալ շրջայց է կատարել կենտրոնի տնօրեն Մարի Լու Փափազյանի ուղեկցությամբ...
Facebook-ը թեստավորում է արհեստական ինտելեկտը մեկնաբանություններում կոնֆլիկտները կանխելու համար
Ընկերությունը կառանձնանցնի վիրավորական մեկնաբանությունները սոցցանցի խմբերում...
Ամենաշատ