Ոսկու գինը երեքշաբթի առավոտյան շարունակում է աճել, ցուցանիշը հասել է ամենաբարձր մակարդակին փետրվարի սկզբից ի վեր, գնանշումներին նպաստում են ԱՄՆ Դաշնային պահուստային համակարգի (ԴՊՀ) արձանագրության սպասումները, վկայում են աճուրդների տվյալները, փոխանցում Prime-ը:

Ոսկու հունիսյան ֆյուչերսների գինը Նյու Յորքի Comex բորսայում աճել է 0.17 տոկոսով կամ 3.25 դոլարով` տրոյական ունցիայի դիմաց մինչեւ 1.870.85 դոլար, ցուցանիշը 2021 թվականի փետրվարի 1-ից ի վեր առաջին անգամ աճել է 1.870 դոլարից բարձր: Արծաթի հուլիսյան ֆյուչերսների գինն աճել է 1.15 տոկոսով` մեկ ունցիայի դիմաց 28.692 դոլար: