News
Լրահոս
News
Շաբաթ
Հունիս 12
Տեսնել լրահոսը

Կիպրոսը դիտարկում է Եվրախորհրդում Թուրքիայի դեմ վետոյի իրավունքի կիրառման հնարավորությունը:

Կիպրոսի նախագահ Նիկոս Անաստասիադեսի խոսքով՝ ԵՄ-ի հետ Թուրքիայի հարաբերությունների վերաբերյալ դրական օրակարգի օգտին որեւէ լուծում չի կարող լինել, քանի դեռ Անկարան պնդում է, որ Կիպրոսի հարցը երկու պետությունների սկզբունքով լուծվի:

«Ես արդեն սկսել եմ տեղեկացնել ԵՄ անդամ-երկրների ղեկավարներին, որ հաշվի առնելով Թուրքիայի կուրսի փոփոխությունը եւ երկու պետությունների համակեցության մասին որոշում կայացնելու նրա պահանջները եւ նրա այլ դիրքորոշումները, Թուրքիայի հետ հարաբերությունների դրական օրակարգ չեմ տեսնում, որը կարելի է քննարկել կամ համաձայնեցնել»,- Kathimerini-ին տված հարցազրույցում ասել է նա։

«Երկու երկրների սկզբունքով (Կիպրոսի հիմնախնդիրը) լուծելու Թուրքիայի դիրքորոշումը թռիչք է դեպի դատարկություն: Սա դիրքորոշում է, որը չի ընդունվում ոչ միջազգային հանրության, ոչ Եվրամիության կողմից եւ ամբողջությամբ անցնում է ՄԱԿ-ի գլխավոր քարտուղարի մանդատի շրջանակներից»,- ասել է Անաստասիադեսը` հավելելով, որ միջազգային հանրության կամ ԵՄ-ի կողմից Թուրքիայի դիրքորոշման մերժումը պատահական չէ։ «Նման որոշումը կբացեր «Պանդորայի արկղը» եւ կհանգեցեր բացասական իրադարձությունների շատ երկրներում»,- ընդգծել է նա:

Նկատենք, որ Ժնեւում Կիպրոսի հիմնախնդրի վերաբերյալ վերջերս կայացած հնգակողմ համաժողովը, որն անցկացվել է ՄԱԿ-ի աջակցությամբ, անարդյունք է ավարտվել այն բանից հետո, երբ Թուրքիան պնդել է երկու պետությունների սկզբունքով կարգավորումը՝ ՄԱԿ-ի բանաձեւերի եւ բազմամյա համաձայնեցված երկգոտի, երկհամայնքային ֆեդերացիայի խախտմամբ։

Նոր ոչ ֆորմալ համաժողով անցկացնելու հնարավորության կապակցությամբ Անաստասիադեսն ասել է, որ ՄԱԿ-ի գլխավոր քարտուղարը եւ մյուս կողմերը որպես միջնորդներ հանդես կգան, «որպեսզի թուրքական կողմը գիտակցի իր ջանքերի անհնարինությունը»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Վարչապետ. Հունաստանը պատրաստ է աջակցել Թուրքիայի հետ հարաբերություններում ԵՄ «դրական» օրակարգին
«Իհարկե, մենք միշտ բաց ենք դրական օրակարգի համար, սակայն հետզհետե, համաչափ եւ հետադարձելիորեն...
ԵՄ երկրները պայմանավորվել են մեղմել ուղեւորությունների սահմանափակումները լրիվ պատվաստվածների համար
Պատվաստվածների համար ԵՄ ուղեւորությունների սահմանափակումները կղեղմվեն...
Եվրոպացիները պատմել են՝ ինչու են համագործակցում ԱՄՆ-ի հետ
Եվրոպացիները կարծում են, որ ԱՄՆ-ն չի կիսում նրանց արժեքներն ու համոզմունքները...
Եվրախորհրդարանում Երեւանին եւ Բաքվին կոչ են արել ականազերծման համար տեղեկատվության փոխանակում սկսել
Նրանք ափսոսանք են հայտնել հունիսի 4-ին երեք ադրբեջանցիների մահվան կապակցությամբ․․․
Հեյկո Մաաս. ԵՄ-ն պետք է չեղարկի առանձին անդամ երկրների՝ վետո կիրառելու իրավունքը
«Մենք չենք «պատանդ մնալ» նրանց մոտ, ովքեր իրենց վետոյով դժվարացնում են Եվրոպայի արտաքին քաղաքականությանը», - հայտարարել է նա...
ԵՄ-ն արգելել է Բելառուսի ավիաընկերությունների թռիչքները միության օդային տարածքում
ԵՄ-ն նաեւ խորհուրդ է տվել միության անդամ երկրների ավիաընկերություններին խուսափել Բելառուսի երկնքում թռիչքներից...
Ամենաշատ