News
Լրահոս
News
Կիրակի
Հունիս 13
Տեսնել լրահոսը

Փոխվարչապետի պաշտոնակատար Մհեր Գրիգորյանը տեսակապի միջոցով մասնակցել է Եվրասիական տնտեսական հանձնաժողովի խորհրդի նիստին: Այս մասին NEWS.am-ը տեղեկանում է ՀՀ Կառավարությունից:

Նիստի օրակարգում ընդգրկված էր մի շարք հարցեր, որոնք վերաբերում են ԵԱՏՄ շրջանակներում առևտրատնտեսական, մաքսային և այլ ոլորտներում համագործակցությանը:

Նիստի ընթացքում քննարկվել են մասնավորապես «Աշխատանք առանց սահմանի» որոնման միասնական համակարգ» ծրագրի մշակման վերջնականացման աշխատանքները: Ծրագիրը կմեկնարկի ս.թ. հուլիսի 1-ից: «Աշխատանք առանց սահանի» ծրագիրը որոնման համակարգ է, որը հնարավորություն է տալիս տեղեկանալու ԵԱՏՄ անդամ պետությունների ազգային տեղեկատվական համակարգերում առկա ազատ աշխատատեղերի, ինչպես նաև աշխատանք փնտրողների հայտարարությունների մասին: Ծրագիրն ուղղված է ԵԱՏՄ շրջանակներում անդամ երկրների աշխատաշուկաների փոխգործակցության ապահովմանն ու զարգացմանը:

ԵԱՏՀ նիստի ընթացքում ընդունվել է որոշում, որով նախատեսվում է փոփոխություններ կատարել Եվրասիական տնտեսական խորհրդի 2020 թվականի նոյեմբերի 23-ի N 105 որոշմամբ հաստատված արտադրական և տեխնոլոգիական գործընթացների այն պայմանների ցանկի մեջ, որոնց իրականացման դեպքում ապրանքը համարվում է ԵԱՏՄ անդամ պետությունների ծագում ունեցող։ Մասնավորապես, «Էներգետիկ մեքենաշինություն, էլեկտրատեխնիկական և մալուխային արդյունաբերություն» բաժինը լրացվել է ԵԱՏՄ արտաքին տնտեսական գործունեության միասնական ապրանքային անվանացանկի՝ մխոցավոր շարժիչների գործարկման համար օգտագործվող կապարային կուտակիչների և այլ կապարային կուտակիչների ծածկագրերին դասվող ապրանքների արտադրության պայմաններով:

Օրակարգի շրջանակներում ԵԱՏՀ խորհրդի անդամներին ներկայացվել է նաև ԵԱՏՄ ներքին շուկայում խոչընդոտների վերացման ուղղությամբ իրականացված աշխատանքների վերաբերյալ զեկույցը, ըստ որի՝ 2020 թվականին միության անդամ պետությունները ԵԱՏՀ-ի հետ համատեղ վերացրել են 15 խոչընդոտ, որոնցից 12-ը՝ արգելք: Խոչընդոտները 2020 թվականի վերջի դրությամբ կրճատվել են 17 %-ով 2019 թվականի նույն ժամանակահատվածի համեմատ:

Նիստի արդյունքներով ընդունվել են մի շարք որոշումներ, մասնավորապես՝ մինչև 2021 թվականի դեկտեմբերի 31-ը ներառյալ մեքենայագործ կամ ձեռագործ տրիկոտաժե քաթանների նկատմամբ մաքսատուրքի 0% դրույքաչափ սահմանելու վերաբերյալ, ինչպես նաև արևային մարտկոցների արտադրության ժամանակ օգտագործվող առանձին տեսակի ապրանքների նկատմամբ 2 տարի տևողությամբ ժամանակահատվածում ներմուծման մաքսատուրքի 0% դրույքաչափ սահմանելու վերաբերյալ որոշումները:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ՇՀԿ-ն ԵԱՏՄ-ի հետ փոխըմբռնման մասին հուշագիր է պատրաստում
ԵՏՀ-ն հանրային քննարկման է դրել սեւ մետաղների թափոնների եւ ջարդոնի արտահանման քվոտաների նախագիծը
Սեւ մետաղների ջարդոնի քվոտան Ռուսաստանի համար կկազմի 2 մլն տոննա...
ԵՏՀ-ն ուսումնասիրում է ԵԱՏՄ-ում ավիաշինության ոլորտում արդյունաբերական համագործակցության ընդլայնման հնարավորությունները
«Ավիաշինության ոլորտում համատեղ նախագծերը ԵԱՏՄ-ում ավելի պահանջված կդարձնեն միկրոէլեկտրոնիկայի, գործիքաշինության եւ հաստոցաշինության, սեւ եւ գունավոր մետաղագործության արտադրանքները», - նշել է Արտակ Քամալյանը…
ՌԴ առողջապահության նախարարությունը առաջարկել է ԵՏՄ-ում արգելել սնյուսների արտադրությունը եւ շրջանառությունը
ՌԴ-ում կարգելվի անծուխ, բայց ոչ անվնաս ծխախոտի արտադրությունը...
ԵԱՏՄ-ում կարող են միասնական թվային անձնագրեր մտցնել
Նրա խոսքով՝ տնտեսական միության շրջանակում մշակված մի քանի հավելված կսկսեն աշխատել ամռանը...
ԵԱՏՄ-ն Արեւմուտքի պատժամիջոցներին միասնական պատասխան է մշակում
Օրակարգում է դրվել ԵԱՏՄ (երկրների) նկատմամբ երրորդ երկրների ոչ բարեկամական պատժամիջոցների գործողություններին պատասխան միջոցառումների հարցը․․․
Ամենաշատ
Ֆոտոռեպորտաժներ