Իսրայելը չի հանել Գազայի հատվածի հնարավոր «վերանվաճման» հարցը, չնայած «ուժային զսպման» նրա այժմյան ռազմավարական ուղղվածությանը: Այս մասին արտասահմանյան դիվանագետների հետ հանդիպմանը հայտարարել է վարչապետ Բենիամին Նեթանյահուն, հայտնում է AFP-ն:
Նրա խոսքով՝ Գազայի հատվածի ռմբակոծումը նպատակ ունի «զսպել ՀԱՄԱՍ-ին»:
«Դրանց հարցերը լուծելու միայն երկու միջոց կա: Կարող եք կա՛մ հաղթել նրանց, եւ դա միշտ էլ բաց հնարավորություն է, կա՛մ կարող եք զսպել նրանց... Եւ մենք այժմ զբաղված ենք ուժային զսպմամբ, բայց պետք է ասեմ, որ ոչինչ չենք բացառում»:
Նա զգուշացրել է, որ Իսրայելը «չփորձի» սրել իրավիճակը, որը սկսվել է մայիսի 10-ին: Նեթանյահուն բռնության աճը կապել է այս հանգստյան օրերին նախատեսված պաղեստինյան ընտրությունները չեղյալ հայտարարելու Պաղեստինի նախագահ Մահմուդ Աբբասի որոշման հետ:
Նրա խոսքով՝ երբ ՀԱՄԱՍ-ը «տեսավ, որ այս ընտրությունները չեն կայանալու, սկսեց բռնություն հրահրել՝ իր քաղաքական նպատակներին հասնելու համար»:
