Ռուսաստանի նախագահ Վլադիմիր Պուտինը հրաման է ստորագրել Գազայի հատվածից Ռուսաստանի քաղաքացիների եւ ԱՊՀ երկրների քաղաքացիների տարհանման մասին, հաղորդում է «Ինտերֆաքս»-ը:
«Իսրայել պետության զինված ուժերի ռազմական գործողության արդյունքում Գազայի հատվածում իրավիճակի կտրուկ վատթարացման կապակցությամբ նախատեսել Գազայի հատվածում գտնվող եւ նման ցանկություն հայտնած Ռուսաստանի Դաշնության քաղաքացիների եւ ԱՊՀ անդամ պետությունների քաղաքացիների տարհանումը»,- ասվում է Պուտինի կարգադրության մեջ: Փաստաթուղթը թվագրված է մայիսի 20-իվ եի ուժի մեջ է մտնում ստորագրման օրվանից:
Պուտինը Ռուսաստանի արտաքին գործերի նախարարությանը կարգադրել է ԱՀԾ-ի եւ արտակարգ իրավիճակների նախարարության հետ համատեղ որոշել քաղաքացիների տարհանման կոնկրետ ժամկետներն ու ձեւաչափերը՝ հաշվի առնելով իրավիճակի զարգացումը Գազայի հատվածում: Արտակարգ իրավիճակների նախարարությանը հանձնարարվել է ապահովել արտաքին գործերի նախարարության հետ համաձայնեցված տարհանված քաղաքացիների տեղափոխումը Մոսկվա:
Իսրայելի եւ Գազայի հատվածի սահմանին իրավիճակը երկրորդ շաբաթն անընդմեջ շարունակում է լարված մնալ: Գազայից Իսրայելի տարածքի ուղղությամբ հրթիռային հարձակումները չեն դադարում: Իսրայելի Պաշտպանության ուժերը ի պատասխան զանգվածային հարվածներ են հասցնում «ՀԱՄԱՍ»-ի օբյեկտների ուղղությամբ: