1998 թվականին մենք ունեցել ենք 300-310 ընկերություն օտարերկրյա կապիտալի մասնակցությամբ, իկ 2008-ին արդեն ունեցել ենք 4 հազարից ավելի այդպիսի ընկերություն: Այս մասին առողջապահության ոլորտի ներկայացուցիչների հետ մայիսի 18-ին տեղի ունեցած հանդիպման ժամանակ նշեց ՀՀ երկրորդ նախագահ Ռոբերտ Քոչարյանը:
«Կուտակային օտարերկրյա ներդրումների ուղղակի ծավալները 1997-ին մոտ 120-130 մլն դոլար էր, իսկ 2008-ին այդ թիվը մոտավորապես 4 մլրդ դոլարի էր հասնում: Սա եղել է եւ օրենսդրության փոփոխության, եւ վերաբերմունքի հաշվին: Երբ երկրում կառավարությունը սկսում է ենթակառուցվածքները զարգացնել, դրա հետ միասին բազմաթիվ գործոններ այստեղ կան: չեմ կասկածում, որ նույնը լինելու է հիմա: Հայաստանի համար տարեկան մեկ մլրդ դոլարի ներդրումները շատ ռեալ թիվ է: Առաջին տարին դժվար է լինելու դա անել, որովհետեւ մենք ուշային կառույցների կողմից այնպիսի ներխուխելու պրակտիկա ենք ձեւավորել բիզնեսի մեջ, որ դա վերանորոգելու եւ այդ վստահությունը վերականգնելու համար որոշակի ժամանակ է պետք լինելու: Միգուցե օրենսդրական փոփոխություններ, որոնք կվստահեցնեն օտարերկրյա ներդրողին, որ երկիրը վերադարձլ է հուսալի երկրի շարքերին օտարերկրյա ներդրումների առումով»,-հայտարարեց Քոչարյանը՝ հավելելով, որ այսօր մենք գրեթե չունենք ներդրումներ: