ԱՄՆ նախագահ Ջո Բայդենը Իսրայելի վարչապետ Բենյամին Նեթանյահուի հետ հեռախոսազրույցի ընթացքում դեէսկալացիա սկսելու հույս է հայտնել: ՌԻԱ Նովոստի-ի փոխանցմամբ՝ այս մասին ՄԱԿ-ի Գլխավոր ասամբլեայի նիստում հայտարարել է ՄԱԿ-ում ԱՄՆ մշտական ներկայացուցիչ Լինդա Թոմաս-Գրինֆիլդը:
«ԱՄՆ-ն ավելի քան 60 դիվանագիտական հանդիպում է անցկացրել ամենաբարձր մակարդակներում, այդ թվում` առնվազն հինգը նախագահ Բայդենի մասնակցությամբ», - ասել է Թոմաս-Գրինֆիլդը:
«Վարչապետ Նեթանյահուի հետ երեկվա իր վերջին զրույցում նախագահ Բայդենը հայտնել է, որ մենք շարունակում ենք պաշտպանել Իսրայելի ինքնապաշտպանության իրավունքը եւ կարծում ենք, որ Իսրայելն այժմ այնպիսի վիճակում է, որ կարող է կանգնեցնել հակամարտությունը: Մենք ակնկալում ենք, որ զգալի դեէսկալացիա կսկսվի», - հավելել է նա: