Եվրահանձնաժողովի նախագահ Ուրսուլա ֆոն դեր Լյայենը ողջունել է Իսրայելի եւ «ՀԱՄԱՍ»-ի միջեւ հրադադարի մասին համաձայնագիրը եւ երկու կողմերին էլ կոչ արել ամրապնդել այն:
«Ես երկու կողմերին էլ կոչ եմ անում ամրապնդել (համաձայնագիրը) եւ կայունացնել իրավիճակը երկարաժամկետ հեռանկարում: Միայն քաղաքական լուծումը բոլորին կայուն խաղաղություն եւ անվտանգություն կբերի»,- գրել է ֆոն դեր Լյայենը Twitter-ում:
Նշենք, որ մայիսի 21-ի գիշերն ուժի մեջ է մտել հրադադարն Իսրայելի ու Գազայի հատվածի միջեւ: Զինադադարը ձեռք է բերվել Եգիպտոսի ակտիվ միջնորդությամբ՝ հրթիռային հարվածներով 11 օր տեւած փոխանակումներից հետո: