Նորվեգիայի առափնյա ձկնորսների ասոցիացիան ցանկանում է որս սկսել դելֆինների եւ ծովային խոզուկների որոշ տեսակների նկատմամբ, հայտնում է Լենտա-ն՝ վկայակոչելով NRK-ն:
Կազմակերպությունն արդեն խնդրել է իշխանություններին հրաժարվել այդ կաթնասունների որսի արգելքից: Ըստ ասոցիացիայի ներկայացուցիչների՝ վերջին տարիներին դրանց պոպուլյացիան զգալիորեն ավելացել է, ուստի անհրաժեշտ է «հավասարակշռված որս»:
«Սննդի հասանելիությունը ինչպես կենդանիների, այնպես էլ մարդկանց համար սահմանափակ է, եւ եթե ցանկանում եք պաշտպանել տեսակը պարզապես նրա համար, որ այն քնքուշ է, ապա ձեր բախտը չի բերել», - ասել է կազմակերպության ներկայացուցիչ Թոմ Վեգար Քիլը:
