Երուսաղեմում Ալ-Աքսա մզկիթի համալիրում պաղեստինցիների ու իսրայելական ոստիկանության միջեւ նոր բախումներ են տեղի ունեցել, հայտնում է AFP-ն:
Իսրայելի ոստիկանության խոսնակ Միկի Ռոզենֆելդն ասել է, որ «անկարգությունները սկսվել են Ալ-Աքսայի մոտ»: «Հարյուրավոր մարդիկ սկսել են քարեր և Մոլոտովի կոկտեյլներ նետել ոստիկանության ուղղությամբ, որոնք արձագանքել են դեպքի վայրում և սկսել են ցրել մարդկանց»,- ասվում է Ռոզենֆելդի հայտարարության մեջ: «Դեպքի վայրում ոստիկանական ստորաբաժանումներ կան»,- հավելել է նա:
AFP-ի լրագրողների տեղեկացմամբ՝ Երուսաղեմի Հին քաղաքի համալիրում բախումները շարունակվում են:
Ըստ AFP-ի լրագրողի՝ ոստիկանությունը դեպքի վայրում սկսել է ռետինե փամփուշտներով կրակել և լուսային նռնակներ նետել:
