Rolls-Royce Motor Cars ընկերությունը ներկայացրել է Boat Tail շքեղ ավտոմեքենան, որն անվանել է «ամենաամբիցիոզը երբեւէ ստեղծվածներից», տեղեկացնում է CNBC-ն։
Boat Tail-ը չորստեղանի մեքենա է՝ մոտ 5,8 մետր երկարությամբ, հետնամասը նման է առագաստանավի տախտակամածի։ Արտադրվելու է ընդամենը երեք մոդել, գինը չի նշվում։
Յուրաքանչյուր Boat Tail անհատականացված է իր գնորդի համար։ Ընկերությունը չորս տարի համագործակցել է դիզայներների հետ՝ Coachbuild ծրագրի շրջանակում։
Boat Tail-ի համար մշակվել է ավելի քան 1800 նոր դետալ, որոնցից յուրաքանչյուրն ունի այնպիսի շքեղ առանձնահատկություններ, ինչպիսին են երկակի սառնարանը շամպայնի համար եւ պատվերով պատրաստված ժամացույցը, որը կարելի է կրել կամ միացնել մեքենային՝ օգտագործման համար։
Այն «հիասքանչ, հոյակապ ավտոմեքենա» անվանելով՝ Rolls-Royce-ի գլխավոր տնօրեն Թորստեն Մյուլլեր-Օթվեսն ասել է, որ հաճախորդը ներգրավված է եղել «ճանապարհի ամեն մի փուլում», եւ որ նման՝ պատվերով ավտոմեքենաների ստեղծումը «փորձ է, որը չի կարելի գնել փողով»։