Չինական «Տյանչժոու-2» բեռնատար տիեզերանավը կիրակի՝ մայիսի 30-ին, վաղն առավոտյան բարեհաջող միացել է «Տյանխե» ստեղծվող տիեզերակայանի բազային մոդուլի հետ։ Միացումը տեղի է ունեցել տեղական ժամանակով 05.01-ին, գրում է DW-ը։
Ինչպես հաղորդում է ՉԺՀ-ի Ազգային տիեզերական վարչությունը, «Տյանչժոու-2»-ը տեղափոխել է դեպի մոդուլ սկաֆանդրներ, սարքավորում եւ վառելիք ուղեծրային կայանի համար, որի շինարարությունը նախատեսվում է ավարտել 2022 թվականին։ Շինարարությունն ավարտելու համար կպահանջվի 11 արձակում եւ մեկ տարուց փոքր-ինչ ավելի ժամանակ։ Ուղեծիր դուրս կբերվի երկու լաբորատոր մոդուլ, որոնք նույնպես կմիանան բազայինին, կարձակվի չորս բեռնատար եւ չորս կառավարվող տիեզերանավ։ Հունիսին «Շենչժոու-12» կառավարվող տիեզերանավը կտեղափոխի «Տենխե» երեք տիեզերագնաց ուղարկված սարքավորումը հավաքելու եւ միացումներն անելու համար։
«Տենխե»-ի ընդհանուր քաշը շինարարության ավարտից հետո կկազմի շուրջ 100 տոննա։ Այն մի քանի անգամ փոքր կլինի Միջազգային տիեզերակայանից (ՄՏԿ)։ Չինական կայանն ունակ կլինի մշտապես ընդունել անձնակազմի երեք անդամներին։ «Տենխե»-ն չի նախատեսվում օգտագործել միջազգային ասպարեզում, սակայն Պեկինը պատրաստակամություն է հայտնել համագործակցել օտարերկրյա գործընկերների հետ տիեզերքի կառուցման գործում։
2024 թվականին ՄՏԿ-ի փակումից հետո «Տենխե»-ն կարող է դառնալ միակն ուղեծրային տիեզերակայանը։ Այդ կապակցությամբ NASA ամերիկյան տիեզերական գործակալությունը վերջերս հայտարարել էր, որ ՄՏԿ-ն, հնարավոր է, կշարունակի իր գործունեությունը նաեւ 2028 թվականից հետո։ ESA եվրոպական տիեզերական վարչությունն արդեն ուղարկել է իր տիեզերագնացներին Չինաստան «Տենխե» կայանում աշխատանքի վերապատրաստման համար։
Չինաստանը մտադիր է դառնալ հզոր գերտերություն ոչ միայն Երկրի վրա, այլ նաեւ տիեզերքում, ինչի ուղղությամբ նա բազմամիլիարդանոց գումարներ է ներդում, ընդգծում է AFP գործակալությունը։ Վերջերս ՉԺՀ-ն բարեհաջող ավարտել էր իր առաքելությունը դեպի Մարս․ երկու շաբաթ առաջ Կարմիր մոլորակի վրա վայրէջք էր կատարել «Չժուրոն» մարսագնացը։ Հունվարին Չինաստանը բարեհաջող ավարտել էր դեպի Լուսին առաքելությունը․ Երկիր մոլորակ էր վերադարձել երկու կիլոգրամ քաշով տարբեր նմուշառումներով խցիկը։