Լուիզիանայում ատենակալները դատապարտել են տղամարդուն, որը պնդել է, որ կրակել էր իր հարեւանի ուղղությամբ 2019 թվականին, քանի որ հոգնել էր բարձր երաժշտությունից, գրում է Fox News պարբերականը։
Զեկույցների համաձայն՝ 72-ամյա Թոմաս Քենեդին մեղավոր է ճանաչվել երկրորդ աստիճանի սպանության փորձ կատարելու մեջ։ Քենեդին մոտեցել էր իր հարեւանի դռանը 2019 թվականի ապրիլին 45-րդ տրամաչափի Judge ատրճանակով եւ կրակել հարեւանի ուղղությամբ, հաղորդում է FOX 8-ը Նոր Օրլեանից։ «Ինձ հոգնեցրեց երաժշտությունը»,-ասել է Քենեդին քննիչներին, երբ զանգահարել է ոստիկանություն, որպեսզի հաղորդի հանցագործության մասին։ Ես վերցրել են ատրճանակն ու մոտեցրել նրան։ Ես հասկացրել են նրան, որ չեմ խաղում նրա հետ»։
Հարեւանը ողջ է մնացել եւ տեղափոխվել է հիվանդանոց։
«Դատապարտյալը ծիծաղում էր հարցաքննության ընթացքում, երբ արդեն կրակել էր իր հարեւանի ուղղությամբ»,-ասել է դատախազի օգնական Ջեյսոն Շաթանյեն։ «Նա կատակում էր։ Նա հանգիստ էր․․․ չկային հույզեր, զոհի մասին որեւէ հոգատարություն։ Մեղադրալի մատն ատրճանակի ձգանին էր, իսկ ատրճանակը՝ զոհի բերանում։ Դա անփութություն չէ, դա սպանության փորձ է»,-նշել էր նա:
Շաֆուրշ շրջանի ատենակալները շուրջ մեկ ժամ անց վճիռ են կայացրել, եւ Քենեդիին սպառնում է մինչեւ 50 տարի ազատազրկում առանց պայմանական վաղաժամկետ ազատվելու հնարավորության, հաղորդում է FOX 8-ը։
