Երեք տղամարդ է դատապարտվել Լոնդոնի ոստիկանության պատմության մեջ ամենախոշոր չափով կանխիկ առգրավելուց հետո․ 5.4 միլիոն ֆունտ ստերլինգն առգրավվել է Ֆուլհեմի բնակարաններից մեկում։ Sky News-ի հաղորդմամբ՝ հանցախումբը չգիտեր՝ ինչ անել այդքան կանխիկի հետ։
Գումարը հայտնաբերվել է՝ մահճակալի տակ պլաստիկից տոպրակների մեջ պահված եւ թափված գետնի վրա, հայտնում է ոստիկանությունը։ Նրանք նաեւ հավելել են, որ համավարակի պատճառով հանցագործների համար ավելի դժվար էր ազատվել կանխիկից։
Այդ բացահայտումն արվել է ոստիկանության կողմից ամբողջ Լոնդոնում զենքի կիրառմամբ հանցավորության եւ թմրանյութերի մատակարարման դեմ պայքարի երկարատեւ գործողություններից հետո, որոնց ընթացքում հայտնաբերվել էր փողերի լվացմամբ զբաղվող Սերգեյ Աուզինշան։
Անցած տարվա հունիսին եւս մեկ տղամարդ՝ Ռուսլան Շամսուտդինովը, նկատվել էր ծանր պայուսակներ դժվարությամբ տեղափոխելիս, երբ նա հեռանում էր Ֆուլհեմում բնակարանից։
Նա դրել էր պայուսակները կայանած մեքենայի մեջ, եւ երբ ոստիկանները կանգնեցրել էին նրան, դրանց մեջ հայտնաբերվել էր մեծ քանակությամբ փող, հաղորդում է ոստիկանությունը։
Եւս մեկ ամիս անց բերման էր ենթարկվել Սերվան Ահմադին, որը նույնպես կրում էր փողերով պայուսակներ, իսկ ավելի շատ կանխիկ էր հայտնաբերվել Էդմոնթոնում նրա տանը։