Ստավրոպոլի երկրամասի Եսենտուկի քաղաքում հունիսի 20 -ին օծվել է հայկական նոր Սբ Հռիփսիմե եկեղեցին:
Ինչպես տեղեկացնում է Ռուսաստանի հայերի «Երկրամաս» թերթը, օծման արարողությունից հետո եկեղեցում առաջին պատարագը մատուցել է Հայ առաքելական եկեղեցու Ռուսաստանի հարավային թեմի առաջնորդ Մովսես եպիսկոպոս Մովսիսյանը:
Սբ Հռիփսիմե եկեղեցին կառուցվել է ճարտարապետներ Ալեքսանդր Գորոխովի եւ Էռնեստ Պողոսովի նախագծով: Եկեղեցու հոգեւոր հովիվը Տեր Գյուտ Ղահրամանյանն է: