Գիտնականները հայտնաբերել են Հիմալայներում բնակվող աշխարհի ամենահազվագյուտ կաթնասուններից մեկին: Խոսքը մեկ մետրից ավել երկարություն ունեցող ու 2.5 կգ քաշով հսկա սկյուռի մասին է:
Գիտնականներին այն հայտնի էր գրեթե 130 տարի, բայց նախկինում համարվում էր շատ հազվագյուտ տեսակ, որն ապրում է հիմնականում Պակիստանի հեռավոր հովիտներում, գրում է Daily Mail-ը:
Ավստրալիայից եւ Չինաստանից հետազոտողները հայտարարել են, որ հսկա բրդյա թռնող սկյուռերի հարակից երկու տեսակ ապրում է Հնդկաստանում եւ Չինաստանում:
Օգտագործելով բրդյա թռնող սկյուռերի թանգարանային մի քանի նմուշ եւ դաշտային արշավախմբերի տվյալները` թիմը հաստատեց, որ այս հսկայական մորթեղ սկյուռերը կազմում են տարբեր տեսակի երեք լայնորեն բաժանված պոպուլյացիա, որոնցից երկուսը նկարագրված են որպես նոր տեսակներ:
Դրանք կոչվել են տիբեթյան բրդե թռնող սկյուռ (Eupetaurus tibetensis) եւ Յունյանի բրդե սկյուռ (Eupetaurus nivamons):
Երկու նոր տեսակը փափուկ մորթուց հոյակապ սկյուռեր են, որոնք գենետիկորեն եւ անատոմիապես շատ տարբեր են բոլոր մյուս սկյուռերից: Եվ դրանք ապրում են «աշխարհի գագաթին»՝ Հիմալայներում եւ Տիբեթյան սարահարթում:
Սկյուռերն ապրում են մինչեւ 4800 մ բարձրությունների վրա եւ հանդիպում են հիմնականում մարդկանցով չբնակեցված տարածքներում: Դրանք աշխարհում ամենաքիչ հայտնի կենդանիներից են:
