Սննդամթերքի համաշխարհային գները հասել են վերջին տասնամյակում ամենաբարձր մակարդակին: Ըստ Bloomberg-ի, պարենային ապրանքների համաշխարհային գների ՄԱԿ-ի գնահատումը մայիսին աճել է տասներկուերորդ ամիսն անընդմեջ, ինչը տասնամյակի ընթացքում ամենաերկարատեւ ցուցանիշն է:
Bloomberg-ի տվյալներով՝ պարենի գների ՄԱԿ-ի համաշխարհային ինդեքսը 2011 թվականի սեպտեմբերից ամենաբարձր մակարդակի վրա է: Մայիսին գրանցված 4,8 տոկոս աճը ամենամեծն է եղել վերջին 10 տարվա ընթացքում:
Bloomberg-ը նշում է, որ գների երկարատեւ բարձրացումը կարող է ավելի մեծ ինֆլյացիա առաջացնել, ինչը իր հերթին կբարդացնի լրացուցիչ խթան ապահովելու կենտրոնական բանկերի ջանքերը:
Բրազիլիայի որոշ հատվածներում երաշտը վնաս է հասցնում բերքին, այդ թվում՝ եգիպտացորենին եւ սուրճին, իսկ Հարավարեւելյան Ասիայում բուսական յուղի արտադրության աճը սահմանափակ է: Արդյունքում անասնաբույծների ծախսերը աճում են:
Բացի այդ, գյուղատնտեսական մշակաբույսերի եւ յուղերի արտադրության դանդաղեցումը կարող է հանգեցնել հացահատիկի համաշխարհային պաշարների գերբեռնման, որոնք արդեն սպառվել են Չինաստանում պահանջարկի կտրուկ աճի պատճառով:
Bloombergի տվյալներով՝ մթերային խանութներում հիմնական ապրանքների գների աճ է նկատվում, ընդ որում՝ այնպիսի երկրներ, ինչպիսին են Քենիան եւ Մեքսիկան, հայտնում են սննդամթերքի ուռճացված գների մասին:
Հետեւանքները կարող են հատկապես նկատելի լինել որոշ ամենաաղքատ եւ կարեւոր կախում ունեցող երկրներում, որոնք կորոնավիրուսի համավարակի պայմաններում սահմանափակել են գնողունակությունը եւ սոցիալական պաշտպանության ցանցերը:
