Ռուսաստանի իշխանությունները երկարաձգել են դեպի Թուրքիա թռիչքների արգելքը մինչեւ առնվազն այս տարվա հունիսի 21-ը: Ըստ Ռուսաստանի տուրօպերատորների ասոցիացիայի (ATOR)՝ միայն այդ պատճառով հունիսին տուրիզմի ոլորտի կորուստները Թուրքիայում կկազմեն շուրջ 334 մլն դոլար. եւ սա այն դեպքում, երբ թուրք տուրօպերատորները կարծում են, որ այս ամսվա վնասների չափը կարող է գերազանցել կեսը միլիարդ դոլարը, հայտնել է RT-ն՝ հղում անելով Daily Sabah-ին:
Միեւնույն ժամանակ, դեռեւս չկա լիակատար վստահություն, որ հունիսի 21-ից հետո թռիչքները կվերսկսվեն: Հետեւաբար, ավելի ուշ ամսաթվով կատարված ամրագրումները կարող են չեղյալ հայտարարվել, ինչը լրացուցիչ վնասներ կհասցնի, նախազգուշացրել է Թուրքիայի տուրիստական գործակալությունների միության (TÜRSAB) Տարածաշրջանային ներկայացուցիչների խորհրդի նախագահ Ֆերիտ Թուրգուտը: Ըստ նրա՝ ապրիլի 15-ից հունիսի 21-ը ռուս զբոսաշրջիկների բացակայության պատճառով տեղական տուրիզմի ոլորտի ընդհանուր կորուստը կգերազանցի երկու միլիարդ դոլարը:
