News
Լրահոս
News
Հինգշաբթի
Դեկտեմբեր 09
Տեսնել լրահոսը

Քաթարին մեղադրել են Սիրիայում ահաբեկիչներին ֆինանսավորելու համար փողերի բազմամիլիոնանոց լվացման մեջ, հաղորդում է Daily Mail-ը:

Սիրիացի ինը քաղաքացի դատական հայց է ներկայացրել Լոնդոնի Գերագույն դատարան՝ պահանջելով փոխհատուցել մահապատժի սպառնալիքի ներքո ստիպողաբար պահելու եւ խոշտանգելու վնասը, որը նրանց հասցրել են իբրե Քաթարից ֆինանսավորվող ահաբեկիչների խմբավորումները: Տուժածները մեղադրել են երկրի առաջատար քաղաքական գործիչներին, գործարարներին, բարեգործական եւ ոչ առեւտրային կազմակերպություններին մասնավոր գրասենյակ եւ երկու բանկեր օգտագործելով հարյուր միլիոնավոր դոլարներ «Ան Նուսրա» խմբավորմանն ուղղելու մեջ, որն ընդգրկված է Ռուսաստանում արգելված «Ալ Քաիդա» ահաբեկչական կազմակերպության կազմում:

Համաձայն դատարանում ներկայացված փաստաթղթերի՝ Քաթարի իշխանությունները կազմակերպել են Սիրիայում քաղաքացիական պատերազմի ընթացքում ահաբեկիչներին ակտիվորեն սատարելու եւ ֆինանսավորելու անօրինական համակարգ: Նշվում է, որ փողերը փոխանցելու համար կիրառվել են շինարարության եւ անշարժ գույքի վերաբերյալ պահմանագրերն ուռճացված գներով կնքելու խարդախություններ, ինչպես նաեւ սիրիացի աշխատողներին հավելավճարների շուրջ ապօրինի գործարքներ: Ահաբեկիչներին ֆինանսավորելու գործում աջակցության մեջ մեղադրել են նաեւ երկրի խոշորագույն բանկերին՝ Qatar National Bank-ին եւ Doha Bank-ին:

Ինչպես հաղորդում է պարբերականը, բոլոր կասկածյալները հերքում են իրենց հասցեին ուղղված մեղադրանքները: Նշվում է, որ հետաքննությունը կշարունակվի համոզիչ ապացույցներ ներկայացնելու դեպքում:

2017 թվականին Սաուդյան Արաբիան, Եգիպտոսը, Բահրեյնն ու ԱՄԷ-ն հայտարարել էին Քաթարի հետ դիվանագիտական հարաբերությունները խզելու մասին: Այդ երկրների ներկայացուցիչները մեղադրել էին Դոհային արաբական պետություններում ներքաղաքական իրավիճակն ապակայունացնելու, ինչպես նաեւ ահաբեկչական կազմակերպություններին աջակցելու մեջ: Ավելի ուշ բոյկոտին միացել էին նաեւ Եմենը, Լիբիան, Մալդիվները, Մավրիկիան, Մավրիտանիան, Կոմորյան Կղզիները: 2021 թվականի հունվարին արաբական երկրները հայտնել էին Քաթարից դիվանագիտական շրջափակումը հանելու մասին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Քաբուլում պայթյուն է որոտացել
Նախնական տվյալներով՝ պայթել է ճանապարհի մոտ դրված ականը․․․
Կոսովոյում անհայտ անձինք կրակել են դպրոցական ավտոբուսի վրա, կան զոհեր
Դեպքը տեղի է ունեցել Դեչանիի մոտակայքում գտնվող Գլոջանե գյուղում...
Աֆղանստանի Նանգարհար նահանգում ԻՊ-ի առնվազն 80 զինյալ հանձնվել է թալիբներին
Նրա խոսքով՝ ահաբեկիչների կապիտուլյացիան հնարավոր է դարձել ցեղերի առաջնորդների միջնորդության շնորհիվ․․․
Քաբուլի թաղամասերից մեկում պայթյուն է որոտացել
Aamaj լրատվական գործակալության փոխանցմամբ՝ մագնիսական ականը, որն ամրացված է եղել ․․․
Պենտագոնը խոստացել է կանխել ԻՊ-ի վերածնունդն Իրաքում
«Մենք կանենք ամեն ինչ՝ Իրաքի կառավարությանն աջակցելու եւ այս խմբի հզորության վերականգնումը թույլ չտալու համար...
Մեծ Բրիտանիան պաղեստինյան ՀԱՄԱՍ շարժումն «ահաբեկչական կազմակերպություն» կհայտարարի
«Պարզ ասած՝ ՀԱՄԱՍ-ն ահաբեկչական կազմակերպություն է...
Ամենաշատ